Êsai 62:2 - Nau Brah Ndu Ngơi 2023

² Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 62:2 ပူးပေါင်းရင်းမြစ်များ

Nau Ntơm 17:15

Brah Ndu lah ma Y-Abraham: “Bi ma H'Sarai, ur may, may lơi hôm kuăl ôh păng H'Sarai yorlah amoh păng H'Sara.

Nau Ntơm 17:5

Bu mra mâu hôm ôh kuăl may jêng Y-Abram, ƀiălah amoh kon mra jêng Y-Abraham yorlah Gâp njêng jêh may jêng mbơ̆ ma âk phung ndŭl mpôl.

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Mprơ Ơm 98:2

Brah Yêhôva mbơh jêh nau Păng tâm rklaih Jêh ri tâm mpơl nau sŏng srăng Păng tanăp măt lĕ bri dak.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 60:11

Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Êsai 66:11

Gay ma khân may dơi pu jêh ri hơm ma dak toh Dak toh nau păng tâm bonh leng; Gay khân may dơi nhêt jêh ri mpay Tă bơh ma nau chrêk rmah bêng ler păng.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Kôranh Oh Mon 11:26

nôk dơi joi jêh, păng njŭn leo Y-Sôl ta ƀon Antiôs. Bar hê bunuyh tâm rƀŭn ndrel ma Phung Ngih Brah Ndu jêh ri ntĭm nti âk bunuyh tâm du năm. Ta ƀon Antiôs ro, bu ntơm kuăl phung oh mon jêng Phung Brah Krist.

Kôranh Oh Mon 26:23

nây jêng Brah Krist dơn nau rêh ni, jêh ri jêng nơm dâk rêh tay lor lơn bơh nau khĭt, gay ma nkoch mbơh nau ang ma phung Yuđa tâm ban đŏng ma phung bu năch.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.