Êsai 62:12 - Nau Brah Ndu Ngơi 2023

¹² Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 62:12 ပူးပေါင်းရင်းမြစ်များ

Nau Mprơ Ơm 107:2

Phung Brah Yêhôva tâm chuai jêh bơh ti phung rlăng Lah hom pônây;

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Êsai 1:27

Bu mra tâm chuai ƀon Siôn ma nau di, Jêh ri phung ƀon lan tâm ƀon toyh rmal nau tih mra dơi tâm chuai bơh nau sŏng srăng.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 52:3

Yorlah Brah Yêhôva lah pô aơ: “Bu tăch jêh khân may mâu geh ăn prăk, jêh ri bu mra tâm chuai khân may mâu hôm ŭch prăk.”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 63:18

Phung ƀon lan kloh ueh May geh n'gor aơ mâu hŏ jŏ ôh, Ƀiălah phung rlăng đah hên jot jêh ntŭk kloh ueh May.

Êsai 65:1

Phung bunuyh mâu mâp dăn ôp ma Gâp, hŏ mbơh sơm dăn Gâp; Phung bunuyh mâu joi Gâp, hŏ mâp jêh đah Gâp. Gâp lah ma du ndŭl mpôl bunuyh mâu mâp mbơh sơm ma amoh Gâp pô aơ: “Ta aơ Gâp, aơ ta aơ Gâp!”

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 19:10

Yorlah Kon Bunuyh văch jêh gay joi jêh ri tâm rklaih mbu nơm roh jêh.”

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 4:23

Mông dăch tât jêh ri hŏ tât jêh, nôk phung bunuyh yơk mbah nanê̆ ngăn mra yơk mbah Mbơ̆ ma huêng jêh ri ma nau ngăn; nây jêng phung bunuyh yơk mbah Mbơ̆ ŭch joi.

Nau Vay Nkah Tay 26:19

Păng ƀư ma khân may dơi geh nau tâm rnê, nau lư n'găr jêh ri nau yơk, rlau lơn lĕ rngôch ntil mpôl băl Păng hŏ rhăk njêng jêh, jêh ri khân may mra jêng du phung ƀon lan kloh ueh prăp ăn ma Yêhôva Brah Ndu khân may, tĭng nâm Păng hŏ lah jêh.”

Nau Vay Nkah Tay 28:9

Tơlah khân may djôt prăp lĕ nau vay Yêhôva Brah Ndu ntăm ma khân may jêh ri hăn tâm trong Păng, ri mơ Brah Yêhôva mra ƀư ăn khân may jêng du phung ƀon lan kloh ueh ma Păng nơm, nâm bu Păng hŏ ton jêh ma khân may.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,