Êsai 62:10 - Nau Brah Ndu Ngơi 2023

¹⁰ Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 62:10 ပူးပေါင်းရင်းမြစ်များ

Nau Mprơ Ơm 24:7

Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Ngluh Êjipt 17:15

Y-Môis ndâk du nơng ƀư brah jêh ri rnha nơng nây “Brah Yêhôva jêng n'ha kơ Gâp.”

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 11:16

Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 18:3

Ơ lĕ rngôch phung gŭ tâm neh ntu, Jêng phung rêh ta klơ neh! Lah bu n'hao jêh n'ha kơ ta klơ yôk, Ăn khân may uănh hom! Lah bu uh nŭng, Ăn khân may iăt!

Êsai 19:23

Tâm nar nây, mra geh du trong toyh bơh bri Êjipt tât ta bri Asiri; phung Asiri mra hăn ta bri Êjipt, jêh ri phung Êjipt hăn ta bri Asiri. Phung Êjipt ndrel phung Asiri mra hăn yơk mbah Brah Yêhôva.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 40:3

Geh bâr nter tâm bri rdah: “Pơk hom du trong ma Brah Yêhôva; Ƀư hom ăn sŏng du trong toyh tâm ndrêch rdah ma Brah Ndu he!

Êsai 40:4

Lĕ rngôch rlŭng mra hao ta klơ, Lĕ rngôch yôk mbon mra hŭch tâm dâng; Lĕ ntŭk rklĭng mra ƀư ăn lâng, Lĕ ntŭk ntu lŭng mra plơ̆ jêng neh lâng.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 49:11

Gâp mra ăn lĕ rngôch yôk Gâp plơ̆ jêng trong hăn, Jêh ri lĕ trong toyh Gâp bu mra dơi ƀư n'hao.

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsai 60:11

Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Mathay 22:9

Yor ri, hăn hom tâm lĕ trong sâng, jă lĕ rngôch bunuyh khân may tâm mâp, jă hom khân păng văch râng nau nhêt sông sa.’

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.