Êsai 62:1 - Nau Brah Ndu Ngơi 2023

¹ Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 62:1 ပူးပေါင်းရင်းမြစ်များ

Nau Mprơ Ơm 137:6

Tơlah gâp mâu kah gĭt đah may, Mâu uănh Yêrusalem jêng nau răm maak toyh ma gâp, Ăn mpiăt gâp krêp đah rmlông trôm mbung gâp!

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 2:12

Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Luka 10:2

Păng lah ma khân păng: “Yan rek geh âk ba ƀiălah bunuyh rek geh djê̆. Pôri yơh, dăn hom ma Kôranh Brah yan rek njuăl phung rek lăp yan rek Păng.

II Têsalônik 3:1

Nglĕ dŭt, hơi phung oh nâu, mbơh sơm hom ma hên, gay ma nau ngơi Kôranh Brah mbơh nkoch gơnh ro jêh ri geh nau yơk nâm bu hŏ geh tâm khân may,

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.