Êsai 61:9 - Nau Brah Ndu Ngơi 2023

⁹ Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 61:9 ပူးပေါင်းရင်းမြစ်များ

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 30:27

Y-Laban lah: “Ŭch ma may geh nau yô̆ tanăp măt gâp! May gĭt Brah Yêhôva ăn jêh nau ueh uĭn ma may yor gâp.”

Nau Mprơ Ơm 115:14

Dăn Brah Yêhôva ăn bĭk nau ueh ma khân may, Ma khân may jêh ri ma phung kon sau khân may.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Malachi 3:12

“Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

Nau Kơp Bunuyh 22:12

Brah Ndu lah ma Y-Balaam: “Lơi hăn ndrel ma khân păng, lơi rak rtăp ôh ma phung ƀon lan aơ, yorlah khân păng jêng phung ƀon lan geh jêh nau ueh uĭn.”

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”