Êsai 61:2 - Nau Brah Ndu Ngơi 2023

² Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 61:2 ပူးပေါင်းရင်းမြစ်များ

Êsai 1:24

Yor nây, Kôranh Brah jêng Brah Yêhôva ma phung tahan, Nơm Nau Brah Israel lah: “Ơ! Nuih n'hâm Gâp mra maak rmal ma phung tâm rdâng đah Gâp, Jêh ri plơng bôk phung rlăng đah Gâp.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 40:1

Brah Ndu khân may lah: “Bonh leng hom, bonh leng hom phung ƀon lan Gâp.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Êsai 60:10

Phung bu năch mra rdâk tay mpêr ƀon may, Phung hađăch khân păng mra pah kan ma may. Yorlah tâm nau Gâp ji nuih, Gâp hŏ dong may, Ƀiălah aơ Gâp lŏ yô̆ ma may, tĭng nau yô̆ Gâp.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Mathay 5:4

Ueh maak ngăn ma phung nhĭm rngot, Yorlah mra dơn nau bonh leng!

Luka 4:19

Păng njuăl Gâp gay ma mbơh phung bu krŭng dơi luh du, Phung chieh măt dơi saơ ang, Phung bu tŭn jot dơi jêng kon me; Jêh ri mbơh năm nau yô̆ Kôranh Brah.”

Luka 6:21

Ueh maak ngăn ma phung kon jêng phung bunuyh aƀaơ aơ dôl nau ji ngot, Yorlah mra dơi hơm tŏng. Ueh maak ngăn ma phung kon jêng phung bunuyh aƀaơ aơ gŭ tâm nau nhhiăng nhĭm, Yorlah mra dơi maak gơm.

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

I Têsalônik 2:16

buay hên nti lah gay tâm rklaih phung bu năch. Khân păng ƀư ăn nau tih khân păng nơm bêng ler âk. Ƀiălah dăch dŭt, Brah Ndu ji nuih hŏ tât jêh ta khân păng.