Êsai 61:11 - Nau Brah Ndu Ngơi 2023

¹¹ Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 61:11 ပူးပေါင်းရင်းမြစ်များ

Nau Ntơm 1:11

Brah Ndu lah: “Neh mra hon gơ̆ tơm si: gơ̆ geh găr ntil, tơm si klơ neh tĭng nâm ntil luh play jêh ri geh găr,” pôri nau nây geh kơt nĕ.

Nau Mprơ Ơm 72:16

Ăn ba mra rmeh ler tâm neh ntu Jêh ri ta klơ lĕ n'gơn yôk; Ăn kao play păng tâm ban ma tơm si Liban, Bi phung gŭ tâm ƀon toyh mra ndrŏng Nâm bu gơ̆ tâm neh.

Nau Mprơ Ơm 72:3

Ăn phung yôk dơi geh nau ndrŏng, Jêh ri lĕ dor yôk djôt nau sŏng srăng ma phung ƀon lan.

Nau Mprơ Ơm 85:11

Nau nanê̆ ngăn bơh tâm dâng neh hao vơr; Nau sŏng srăng gŭ uănh bơh klơ trôk.

Nau Mprơ Ueh 4:16

Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 62:7

Mâu lĕ ăn Păng rlu Kŏ tât nôk Păng ndâk njêng tay Yêrusalem, Jêh ri njêng păng jêng nau tâm rnê tâm lam neh ntu!

Mathay 13:23

Ƀiălah găr ntil nsrih ta neh ueh jêng nơm iăt, gĭt rbăng nau chroh jêh ri geh play: nguay jêng du rhiăng, nguay jêng prao jât, nguay jêng pe jât.”

Mathay 13:3

Păng lah âk nau ma khân păng ma nau hôr. Păng lah: “Geh du huê bunuyh hăn luh srih grăp.

Mathay 13:8

Ƀaƀă grăp êng tŭp tâm ntŭk neh ueh jêh ri geh play kao: grăp dơi du rhiăng, grăp dơi prao jât, grăp dơi pe jât.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.