Êsai 61:1 - Nau Brah Ndu Ngơi 2023

¹ Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 61:1 ပူးပေါင်းရင်းမြစ်များ

Nau Mprơ Ơm 102:20

Păng iăt nau phung bu nă nđêng nđor, Jêh ri rklaih phung bu jao jêh ma nau khĭt.

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 25:9

May njŭn leo phung dêh rhêt tâm nau sŏng, Ntĭm nti trong May ma phung dêh rhêt.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 45:7

May rŏng nau sŏng srăng jêh ri tâm rmot nau djơh mhĭk. Yor nây Brah Ndu jêng Brah Ndu may Hŏ tŏ dak ngi nau maak ma may, jêh ri dơm may ta klơ phung hađăch êng,

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 68:7

Ơ Brah Ndu, tơlah May hăn lor panăp phung ƀon lan May, Tơlah May hăn rgăn tâm bri rdah (Sêla)

Nau Mprơ Ơm 69:32

Phung dêh rhêt mra saơ nau nây jêh ri maak; Bi khân may jêng phung joi Brah Ndu, ăn nuih n'hâm khân may bêng ler nau rêh.

Nau Ngluh Êjipt 28:41

Ăn may sŏk bok ao nây nsoh ma Y-Arôn, nâu may, jêh ri ma phung kon bu klâu păng. Ăn may mhĭng dak ƀâu kah ma khân păng, ăn n'hao kan jêh ri nhhơr khân păng gay ma khân păng kloh ueh ƀư nau kan kôranh ƀư brah ma Gâp.

Nau Ngluh Êjipt 29:7

sŏk dak ƀâu kah nkhŭt ta klơ bôk jêh ri mhĭng ma păng.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 48:16

Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 49:9

Gay lah ma phung bu nă: ‘Luh hom,’ Lah ma phung gŭ tâm nau ngo, ‘Mpơl hom tâm nau ang!’ Khân păng mra chiăp phung biăp ta rŏ trong, Jêh ri ndrêch gơ̆ khân păng mra gŭ ta klơ lĕ rngôch yôk hil.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 34:8

Jêh hađăch Sêdêkia ƀư jêh du nau tâm rnglăp đah lĕ rngôch phung ƀon lan ta ntŭk Yêrusalem, mbơh nau kon me ăn ma khân păng pôri geh nau Brah Yêhôva lah ma Y-Yêrêmi:

Yêrêmi 52:33

Pônây, Y-Jêhôjakin doh lơi ao ndrung, ăp nar sông sa ndrel ma hađăch du bông nau rêh.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Kan Lêvi 7:35

Nây jêng kô̆ prăp ma Y-Arôn jêh ri phung kon bu klâu păng, sŏk bơh lĕ ndơ ƀư brah ăn ŭnh sa nhhơr ma Brah Yêhôva, prăp êng ma khân păng ntơm bơh nar bu dăp khân păng jêng kôranh ƀư brah tanăp Brah Yêhôva.

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 3:16

Dôl geh ƀaptem jêh, dôl Brah Yêsu dâk tă bơh dak, uănh ri, lĕ ndâr trôk pơk mpơl, Păng saơ Brah Huêng Ueh Brah Ndu jŭr nâm bu sĭm plŭk drâm ta klơ Păng.

Luka 7:22

Păng plơ̆ lah ma phung nây: “Plơ̆ sĭt nkoch tay hom ma Y-Yôhan lĕ nau khân may hŏ saơ jêh ri hŏ tăng jêh: Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, bunuyh o ach dơi tăng Nau Mhe Mhan Ueh.

Yôhan 1:41

Lor lơn, păng joi nâu păng jêng Y-Simôn jêh ri lah: “Hên hŏ mâp jêh Nơm Mêsi” (nâm bu ntĭt Brah Krist).

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”