Êsai 60:9 - Nau Brah Ndu Ngơi 2023

⁹ Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 60:9 ပူးပေါင်းရင်းမြစ်များ

Nau Ntơm 9:27

Dăn Brah Ndu pơk huy n'har bri ma Y-Japhet, Jêh ri ăn păng gŭ tâm ngih bok Y-Sem; Bi Y-Kanaan mra ƀư dĭk ma Y-Japhet.”

I Phung Hađăch 10:1

Hađăch bu ur n'gor Sêba tăng lư Y-Salômôn yor amoh Brah Yêhôva, păng văch tât gay ŭch rlong uănh Y-Salômôn âk nau hôr dŭt jêr.

I Phung Hađăch 10:22

Tâm ăp pe năm, mpôl kumpăn hăn tât ta Tarsis păng rgăn dak mƀŭt ndrel ma mpôl kumpăn hađăch Hiram, djôt leo sĭt mah, prăk, la rveh, dôk jêh ri brak.

I Phung Hađăch 22:48

Rnôk nây, tâm n'gor Êđôm mâu geh hađăch ôh, knŏng geh du kôranh chiă uănh.

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Nau Hôr 18:20

Ndŭl dơi hơm yor tă kao play bơh trôm mbung; Kao play bơh bâr mbung ƀư ăn bunuyh hơm ndŭl.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 43:4

Yorlah Gâp uănh may jêng khlay jêh ri geh nau yơk. Gâp yơh hŏ rŏng ma may, Rĭ dĭng Gâp mra ăn nơm ntrok ma may, Jêh ri ăn lĕ ntil mpôl bunuyh ntrok nau rêh may.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Êsai 60:6

Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Mika 7:12

Tâm nar nây, bu mra văch ma may, Tă bơh bri Asiri jêh ri tă bơh lĕ ƀon toyh n'gor bri Êjipt, Tă bơh n'gor bri Êjipt kŏ tât Dak Krong Me, Ntơm bơh dak mƀŭt aơ kŏ tât dak mƀŭt ri, Ntơm bơh yôk aơ kŏ tât yôk êng.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sakari 14:14

Nđâp ma phung Yuđa đŏng tâm lơh ta ƀon Yêrusalem, jêh ri mra sŏk lĕ rngôch drăp ndơ phung mpôl bunuyh chiau meng, geh mah, prăk jêh ri phung ao jâr âk ngăn.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

Yôsuê 9:9

Khân păng plơ̆ lah: “Phung oh mon may văch tă bơh du n'gor bri ngai ngăn, yor hên tăng ma amoh Brah Yêhôva jêng Brah Ndu khân may. Yorlah hên tăng lư jêh nau bu nkoch bri ma Păng, jêh ri lĕ nau Păng ƀư jêh tâm n'gor Êjipt;