Êsai 60:7 - Nau Brah Ndu Ngơi 2023

⁷ Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Êsai 60:7 ပူးပေါင်းရင်းမြစ်များ

Nau Ntơm 25:13

Aơ jêng amoh phung kon bu klâu Y-Ismaêl, dăp tĭng nar deh khân păng: Kon bu klâu bôk rah ma Y-Ismaêl jêng Y-Nêbajôt, jêh nây jêng Y-Kêdar, Y-Atbêel, Y-Mipsam.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Nau Mprơ Ơm 120:5

Rêh ni ngăn ma gâp! Yor gâp gŭ ta neh Mêsek Jêh ri gŭ tâm dâng lĕ vâl bok n'gor Kêdar!

Nau Mprơ Ueh 1:5

Hơi bu ur druh ƀon Yêrusalem, Gâp krăk ƀiălah ueh ray, Krăk nâm bu lĕ ngih bok Kêdar, Ueh ray nâm bu lĕ bok nching Y-Salômôn.

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Êsai 21:16

Kôranh Brah lah jêh ma gâp tâm ban pônây: “Hôm du năm dơm, tĭng nâm năm du huê pah kan nkhôm, lĕ nau chrêk rmah bri Kêdar mra lôch.

Êsai 42:11

Ăn bri rdah jêh ri lĕ ƀon toyh tâm păng nter troh hom; Lĕ rngôch ƀon phung Kêdar gŭ rêh đŏng kơt nây; Phung ta Sêla mprơ hom ma nau răm, Nter troh hom bơh lĕ n'gơn yôk.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:13

Tơm si chiprơ, tơm si n'ho jêh ri tơm si buis jêng nau chrêk rmah bri Liban, Ăt mra njŭn ma may, Ŭch ƀư ueh ngih brah kloh ueh Gâp; Gâp mra ăn chrêk rmah ntŭk Gâp chrong jâng.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 27:21

Phung Arabi jêh ri lĕ rngôch phung kôranh gŭ tâm Kêdar nsong tăch drăp đah may jêh ri djôt tât tăch ma may phung biăp kon, biăp nkuăng jêh ri be nkuăng.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Sôphôni 3:10

Tă bơh đah ri kơh dak krong n'gor Kus, Phung yơk mbah ma Gâp, Nây jêng phung Gâp hŏ ƀư du pru, Mra leo ndơ nhhơr ma Gâp.

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

ហេឞ្រើ 13:10

He geh du nơng ƀư brah, phung pah kan tâm ngih bok mâu dơi vay sa ta nây ôh.