Êsai 60:6 - Nau Brah Ndu Ngơi 2023

⁶ Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Êsai 60:6 ပူးပေါင်းရင်းမြစ်များ

Nau Ntơm 10:7

Phung kon bu klâu Y-Kus jêng Y-Sêba, Y-Havila, Y-Sapta, Y-Rama jêh ri Y-Saptêka; phung kon bu klâu Y-Rama jêng Y-Sêba jêh ri Y-Dêdan.

Nau Ntơm 25:13

Aơ jêng amoh phung kon bu klâu Y-Ismaêl, dăp tĭng nar deh khân păng: Kon bu klâu bôk rah ma Y-Ismaêl jêng Y-Nêbajôt, jêh nây jêng Y-Kêdar, Y-Atbêel, Y-Mipsam.

I Phung Hađăch 10:2

Păng văch tât ma ƀon Yêrusalem nđâp ma phung hăn tĭng âk ngăn, geh âk seh samô rdeng dak si ƀâu kah jêh ri du rnoh mah âk ngăn nđâp ma lŭ khlay. Păng lĕ hăn mâp jêh ma hađăch Salômôn jêh ri lah ma hađăch lĕ rngôch nau păng mĭn tâm trôm nuih n'hâm păng.

II Phung Hađăch 8:9

Pônây Y-Hasael hăn mâp bunuyh Brah Ndu, djôt leo ndrel păng du ndơ nhhơr, geh lĕ rngôch ntil ndơ ueh lơn ngăn ta Damas, dơm bêng klơ puăn jât seh samô. Păng hăn tât jêh ri mpơl măt tanăp Y-Êlisê jêh ri lah: “Kon bu klâu may Y-Ben-Hadat, hađăch Aram, prơh gâp hăn ma may gay ôp pô aơ: ‘Gâp mra dơi bah lĕ bơh nau ji aơ?’”

I Nau Rêh Jêng 1:33

Phung kon bu klâu Y-Madian jêng Y-Êpha, Y-Êpher, Y-Hanŏk, Y-Abida, jêh ri Y-Êlda. Lĕ rngôch phung aơ jêng noi deh H'Kêtura.

II Nau Rêh Jêng 9:1

Lah hađăch bu ur n'gor Sêba tăng lư n'găr amoh Y-Salômôn, păng văch tât ma ƀon Yêrusalem, sŏk âk nau ngơi hôr gay ŭch rlong uănh hađăch Salômôn, geh âk ngăn phung kâp kơl nsong ndrel ma păng, geh âk seh samô rdeng dak si ƀâu kah jêh ri âk ngăn mah nđâp ma lŭ khlay. Păng tât gay tâm mâp ma hađăch Salômôn jêh ri lah ma hađăch lĕ nau geh tâm nuih n'hâm păng.

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 72:15

Ăn hađăch dơi gŭ rêh jŏ! Jêh ri lĕ rngôch bunuyh ta ntu mra nhhơr mah bơh Sêba ma hađăch, Ăn bu mra mbơh sơm ma hađăch ƀaƀơ. Jêh ri ăp nar ăn nau ueh uĭn ma hađăch.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Êsêkiêl 27:22

Phung tăch drăp tă bơh bri Sêba jêh ri bri Rama tăch ngâl đah may; khân păng sŏk lĕ ntil ndơ ƀâu kah ueh lơn, lĕ ntil lŭ khlay jêh ri mah tâm rgâl drăp ndơ đah may.

Sôphôni 3:10

Tă bơh đah ri kơh dak krong n'gor Kus, Phung yơk mbah ma Gâp, Nây jêng phung Gâp hŏ ƀư du pru, Mra leo ndơ nhhơr ma Gâp.

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Phung Kôranh Phat Dôih 6:5

Khân păng văch hao djôt leo lĕ mpô mpa rong jêh ri ndâk ngih bok dŭt âk nâm krah ndrach, mâu dơi kơp ôh bunuyh nđâp ma seh samô. Khân păng pit in jêh ri ƀư rai ntŭk gŭ.

Phung Kôranh Phat Dôih 7:12

Phung Madian, phung Amalek, jêh ri lĕ rngôch phung ƀon lan tâm ntŭk Luh Nar ndâk ngih bok bêng tâm rlŭng, âk nâm bu krah ndrach; bi seh samô khân păng âk kŏ tât mâu dơi kơp ôh, nâm bu choih ta kơh dak mƀŭt.