Êsai 60:21 - Nau Brah Ndu Ngơi 2023

²¹ Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 60:21 ပူးပေါင်းရင်းမြစ်များ

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

Nau Mprơ Ơm 37:11

Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 37:18

Brah Yêhôva gĭt mrô nar phung sŏng Jêh ri drăp ndơn khân păng mra tât n'ho ro.

Nau Mprơ Ơm 37:22

Yorlah phung Brah Ndu ăn nau ueh uĭn mra dơn neh, Bi ma phung Păng rak rtăp mra rai yot.

Nau Mprơ Ơm 37:29

Phung sŏng srăng mra dơn neh Jêh ri gŭ rêh ta nây n'ho ro.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Êsai 19:25

yorlah Brah Yêhôva ma phung tahan hŏ ăn nau ueh uĭn ma khân păng. Păng lah: “Nau ueh uĭn ma bri Êjipt jêng phung ƀon lan Gâp, bri Asiri jêng kan ti Gâp ndâk, bri Israel jêng drăp ndơn gâp!”

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 45:11

Brah Yêhôva, Nơm Kloh Ueh Israel, Jêng Nơm hŏ njêng Israel, lah pô aơ: “Ôp hom Gâp moh nau mra tât kăndơ̆; Ôp hom Gâp ma lĕ phung kon Gâp, Jêh ri lĕ ma kan ti Gâp.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 49:3

Păng lah ma gâp: “Ơ Israel, may jêng oh mon Gâp, Gâp mra geh nau tâm rnê tă bơh may.”

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 61:7

Ntrok nau bêk prêng, khân may mra dơn bar tơ̆, Ntrok nau bêk brêng, khân may mra răm maak ma kô̆ tâm pă ma khân may; Khân may mra geh bar tăp âk lơn drăp ndơn tâm bri khân may, Jêh ri geh nau răm maak n'ho ro.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Êsêkiêl 11:17

Yor nây lah hom: ‘Kôranh Brah Yêhôva lah: Gâp mra tâm rgum khân may tă bơh ƀon lan lĕ mpôl bunuyh, mra sŏk sĭt khân may tă bơh bri dak khân may pru pra jêh, jêh ri Gâp mra plơ̆ ăn ma khân may n'gor bri Israel.

Êsêkiêl 34:29

Gâp mra ndâk ma khân păng n'gar play lư amoh, khân păng mâu mra khĭt ji ngot đŏng ôh tâm bri khân păng nơm, jêh ri khân păng mâu mra dơn đŏng ôh nau lĕ bri dak văr jŭm ƀư bêk prêng.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Êsêkiêl 47:7

Tơlah tât jêh ta nây, aơ, bar đah ding kơh dak krong geh âk ngăn tơm si.

Amôt 9:15

Gâp mra tăm tay Israel tâm bri khân păng nơm Jêh ri bu mâu mra hôm rôk ôh khân păng bơh bri Gâp ăn jêh ma khân păng.” Brah Yêhôva jêng Brah Ndu may lah kơt nây.

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Mathay 15:13

Păng plơ̆ lah: “Moh tơm si Mbơ̆ Gâp klơ trôk mâu mâp tăm, ăn bu mra rôk lơi.

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Êphêsô 1:12

gay ma he, jêng phung bunuyh lor lơn kâp gân tâm Brah Krist, tâm rnê ma nau chrêk rmah Păng.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”