Êsai 60:19 - Nau Brah Ndu Ngơi 2023

¹⁹ May mâu hôm mra nsing nar Sol ang nôk nar, Jêh ri mâu hôm ŭch đă khay Sol ang nôk măng; Yorlah Brah Yêhôva mra jêng nau ang n'ho ro ma may, Brah Ndu may mra jêng nau chrêk rmah may.

Êsai 60:19 ပူးပေါင်းရင်းမြစ်များ

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 36:9

Yorlah tu nau rêh gŭ tâm Kôranh Brah; Ma nau ang May, hên saơ nau ang.

Nau Mprơ Ơm 4:2

Ơ kon bunuyh, nau khưm gâp ndah jŏ bu mra ƀư nau bêk prêng? Khân may rŏng nau dơm dam jêh ri ndah jŏ tĭng joi nau mƀruh? (Sêla)

Nau Mprơ Ơm 62:7

Nau tâm rklaih jêh ri nau chrêk rmah gâp gŭ tâm Brah Ndu; Păng jêng lŭ toyh ma gâp, ntŭk gâp gŭ krap.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 24:23

Khay mra bêk, Nar mra đit; Yorlah Brah Yêhôva ma phung tahan mra chiă uănh Ta yôk Siôn jêh ti ta ƀon Yêrusalem, Păng mra tâm mpơl nau chrêk rmah Tanăp phung kôranh bu ranh Păng.

Êsai 28:5

Tâm nar nây, Brah Yêhôva ma phung tahan mra jêng đon hađăch nau chrêk rmah Jêh ri đon hađăch chrêk lơp ăn ma phung ƀon lan Păng hôm klen.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 9:2

May hŏ ăn bĭk rơ̆ jêh ƀon lan nây, Jêh ri May ăn ma khân păng bêng nau răm maak. Khân păng hâk maak tanăp May Tâm ban ma nau maak tâm yan rek, Tâm ban ma bu hâk maak tơlah tâm pă ndơ pit in.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 2:9

Yor aơ gâp mra rtuh ti tâm rdâng đah khân păng, gay ma khân păng jêng ndơ sa ma phung pah kan ma khân păng. Nôk nây, khân păng mra gĭt Brah Yêhôva ma phung tahan hŏ njuăl gâp hăn.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Nau Vay Nkah Tay 10:21

Păng jêng Nơm khân may tâm rnê. Păng jêng Brah Ndu khân may, jêng Nơm hŏ ƀư jêh ma khân may lĕ nau kan toyh jêh ri klach krit măt khân may hŏ saơ jêh.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.