Êsai 60:17 - Nau Brah Ndu Ngơi 2023

¹⁷ Gâp mra ăn mah ntrok ma kông, Gâp mra ăn prăk ntrok ma loih, Kông ntrok ma tơm si, Loih ntrok ma lŭ. Gâp mra ƀư ăn nau đăp mpăn mât mray may Jêh ri nau sŏng srăng chiă uănh may.

Êsai 60:17 ပူးပေါင်းရင်းမြစ်များ

I Phung Hađăch 6:30

Bi mbon ngih brah păng mblum đŏng ma mah lĕ tâm trôm nđâp padih.

Nau Mprơ Ơm 147:14

Păng ăn nau đăp mpăn ma bri may, Ƀư ma may bêng ma ba ƀlê ueh lơn.

Nau Mprơ Ơm 72:3

Ăn phung yôk dơi geh nau ndrŏng, Jêh ri lĕ dor yôk djôt nau sŏng srăng ma phung ƀon lan.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Daniel 11:20

Bunuyh ntrok hao hađăch nây mra njuăl bunuyh hăn tŭn jot riu pi gay thoi nau ndrŏng lơn tâm ƀon bri hađăch, ƀiălah mâu jŏ ôh tâm nar pakơi bu mra nkhĭt lơi hađăch mâu di ôh yor nau ji nuih mâu lah nau tâm lơh ôh.

Ndrom Samƀŭt bơh Agê 2:8

‘Prăk jêng ndơ Gâp, mah jêng ndơ Gâp.’ Brah Yêhôva ma phung tahan lah pônây.

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

ហេឞ្រើ 11:40

Yorlah Brah Ndu ăn jêh nau ueh lơn ma he, gay ma khân păng mâu dơi tât ma nau ueh rah vah ôh lor ma he.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.