Êsai 60:14 - Nau Brah Ndu Ngơi 2023

¹⁴ Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 60:14 ပူးပေါင်းရင်းမြစ်များ

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 42:6

Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Mprơ Ơm 87:3

Ơ ƀon Brah Ndu, Bu hŏ lah jêh ma nau chrêk rmah ma may. (Sêla)

Nau Hôr 14:19

Phung mhĭk mra chon mon tanăp măt phung ueh, Jêh ri phung djơh mhĭk gŭ kâp panăp mpông phung sŏng,

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Êsêkiêl 36:15

Gâp mâu mra hôm ăn khân may tăng nau lĕ bri dak ƀư prêng đŏng ôh; may mâu mra hôm dơn ôh nau phung ƀon lan ntêh rmot jêh ri mâu mra ƀư chêh prah đŏng ôh ma phung ƀon lan, Kôranh Brah Yêhôva lah pônây.”

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Yôel 3:8

Gâp mra jao phung kon bu ur jêh ri phung kon bu klâu khân may ma ti phung ƀon lan Yuđa, jêh ri khân păng mra tăch khân păng ăn ma phung Sabê, ma phung mpôl băl bunuyh gŭ ngai.” Brah Yêhôva lah pônây.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 14:1

Gâp uănh, ri, Kon Biăp dâk ta klơ yôk Siôn ndrel ma du rhiăng puăn jât ma puăn rbăn nuyh geh amoh Kon Biăp jêh ri amoh Mbơ̆ Kon Biăp nchih ta ndăr kleng khân păng nơm.

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.