Êsai 60:11 - Nau Brah Ndu Ngơi 2023

¹¹ Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsai 60:11 ပူးပေါင်းရင်းမြစ်များ

Nêhêmi 13:19

Pôri tơlah mpông ƀon Yêrusalem ntơm jêng ngo klĕng jêh lor panăp ma nar Saƀat, gâp đă bu ntĭl lơi mpông pêr jêh ri ntĭnh khân păng knŏng pơk mpông pêr pakơi nar saƀat. Gâp dơm đŏng ƀaƀă tâm phung oh mon gâp mât njrăng mpông pêr; gay lơi ăn mbu tuy mâu lah rdeng ndơ lăp tâm ƀon ta nar saƀat.

Nau Mprơ Ơm 149:8

Gay chăp phung hađăch khân păng ma rse rvăk Jêh ri nkông phung ndrŏng khân păng ma loih.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 60:5

Rnôk nây, may mra saơ jêh ri chrat ang, Nuih n'hâm may ƀă klach ƀă pơk huy; Yorlah nau rmeh ler bơh dak mƀŭt bu mra njŭn ma may, Drăp ndơ phung ndrŏng bơh lĕ bri dak mra văch ma may.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.