Êsai 6:9 - Nau Brah Ndu Ngơi 2023

⁹ Păng lah, “Hăn hom jêh ri lah ma phung ƀon lan aơ: ‘Iăt hom jêh ri thoi đŏng iăt, Ƀiălah khân may mâu mra gĭt rbăng ôh; Uănh hom khân may, Ƀiălah khân may mâu saơ ôh.’

Êsai 6:9 ပူးပေါင်းရင်းမြစ်များ

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Êsai 28:13

Yor ri nau Brah Yêhôva ngơi đah khân păng mra jêng: Nau đă ntop nau đă, nau đă ntop nau đă; Mbor ntop ma mbor, mbor ntop ma mbor; Djê̆ ta aơ, djê̆ ta ri! Gay ma khân păng hăn tât jêh ri prah talang, Nchah hăch, geh dăk jêh ri bu nhŭp!

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 42:20

May saơ jêh âk nau, ƀiălah mâu mâp klâng rvê ôh; Tôr may pơk jêh, ƀiălah may mâu tăng ôh.”

Êsai 43:8

Djôt hom phung ƀon lan aơ luh, phung geh măt ƀiălah chieh, Phung geh tôr ƀiălah tê̆k!

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Ndrom Samƀŭt bơh Ôsê 1:9

Brah Yêhôva lah: “Ntơ amoh păng jêng Y-Lô-Ammi, yorlah khân may mâu hôm jêng phung ƀon lan Gâp đŏng ôh jêh ri Gâp mâu lĕ hôm jêng Brah Ndu khân may.”

Markôs 4:12

gay ăn: Uănh ăt uănh, ƀiălah mâu saơ, Tăng ăt tăng, ƀiălah mâu gĭt rbăng ôh; Klach lah khân păng rmal nau tih jêh ri geh nau yô̆ an.”

Luka 8:10

Păng plơ̆ lah: “Khân may hŏ dơi ăn nau gĭt rbăng nau khlay ndâp ƀon bri hađăch Brah Ndu; ƀiălah ma phung êng ri mơ Gâp sŏk nau hôr gay lah ma khân păng Uănh ƀiălah mâu saơ ôh, Tăng ƀiălah mâu gĭt rbăng ôh.

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 11:8

nâm bu nau bu nchih jêh pô aơ: “Brah Ndu ăn jêh ma khân păng huêng nuih n'hâm rluk mâl, Măt chieh, jêh ri tôr tê̆k, tât ta nar aơ.”

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.