Êsai 6:5 - Nau Brah Ndu Ngơi 2023

⁵ Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 6:5 ပူးပေါင်းရင်းမြစ်များ

Nau Ntơm 32:31

Nôk păng hăn rgăn Pênuel, nar luh jêh, jâng păng chuat hăn tĭl dĭt yorlah glet nting gang bŭt.

Nau Mprơ Ơm 24:10

Mbu jêng Hađăch chrêk rmah aơ? Nây jêng Brah Yêhôva ma phung tahan, Păng yơh jêng Hađăch chrêk rmah. (Sêla)

Nau Ngluh Êjipt 24:10

khân păng saơ Brah Ndu Israel. Tâm dâng jâng Păng geh du ntil ndơ tâm ban ma du ndơl lŭ saphir rsang nâm bu trôk nđôch.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 33:20

Păng lah: “Ƀiălah may mâu dơi saơ ôh muh măt Gâp, yorlah mâu geh ôh nơm saơ măt Gâp hôm gŭ rêh.”

Nau Ngluh Êjipt 4:10

Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Nau Ngluh Êjipt 6:30

Y-Môis lah ma Brah Yêhôva: “Aơ, gâp jêng bunuyh mâu blau ngơi ueh ôh, mâm dĭng Pharaôn dơi iăt gâp?”

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 33:17

Măt may mra n'gơr uănh Hađăch tâm nau ueh Păng, Jêh ri mra saơ bri neh dĭ ngai.

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Nau Kơp Bunuyh 17:12

Phung ƀon lan Israel lah ma Y-Môis: “Aơ hên khĭt, hên rai lôch, hên rai lôch lĕ ro!

Phung Kôranh Phat Dôih 13:22

Y-Manôa lah ma ur păng: “N'hêl nanê̆ he mra khĭt, yorlah he lĕ saơ jêh Brah Ndu!”

Phung Kôranh Phat Dôih 6:22

Y-Gidêôn gĭt năl nây jêng tông mpăr Brah Yêhôva, păng nter: “Hơi Yêhôva Brah Ndu! Vơ rêh ni ngăn, yorlah gâp hŏ saơ tra năp măt tông mpăr Brah Yêhôva!”