Êsai 6:12 - Nau Brah Ndu Ngơi 2023

¹² Kŏ tât Brah Yêhôva mprơh ngai phung ƀon lan, Jêh ri âk ntŭk tâm bri neh plơ̆ jêng rngot njăp.

Êsai 6:12 ပူးပေါင်းရင်းမြစ်များ

II Phung Hađăch 25:11

Kôranh phung tahan gak Nêbusaradan njŭn leo phung ƀon lan hôm klen gŭ tâm ƀon, ndrel ma phung du ran lăp jêh ma hađăch Babilôn saơm, jêh ri ndrel ma lĕ rngôch phung ƀon lan hôm e, njŭn leo hăn ƀư bu nă.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

Êsai 13:12

Gâp mra ăn bunuyh mpêt lơn ma mah kloh, Ăn ma kon bunuyh mpêt lơn mah bơh bri Ôphir.

Êsai 26:15

Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Yêrêmi 12:7

Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 4:29

Dôl nteh phung tahan ncho seh jêh ri tahan pănh na, Ăp ƀon nchuăt du da dê; Phung lăp tâm ƀŭr si, khân păng hao lĕ njek trôm lŭ; Ăp ƀon bu chalơi hŏng da dê, Mâu geh du huê bunuyh gŭ.

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 11:15

Yorlah tơlah nau mƀăr lơi ma khân păng hŏ njŭn leo nau tâm rnglăp ma neh ntu, pôri moh nau khân păng sŏk dơn mâu di hĕ jêng nau rêh tât tă bơh nau khĭt?

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.