Êsai 59:4 - Nau Brah Ndu Ngơi 2023

⁴ Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Êsai 59:4 ပူးပေါင်းရင်းမြစ်များ

Ndrom Samƀŭt bơh Yôp 15:31

Păng rnơm nsing ma nau dơm dam gay ndơm mƀruh êng păng nơm; Yorlah nau dơm dam mra jêng nau nkhôm ma păng.

Ndrom Samƀŭt bơh Yôp 15:35

Păng bă ntreo ma nau mhĭk mra deh ma nau janh ƀai, Nuih n'hâm khân păng ndrăp lor nau mƀruh ndơm.”

Nau Mprơ Ơm 12:3

Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Mprơ Ơm 62:4

Khân păng knŏng tâm nchră gay ma ƀư rlâm lơi păng bơh ntŭk bu yơk. Khân păng rŏng ma nau mƀruh, Bâr mbung ăn nau ueh uĭn Ƀiălah tâm nuih n'hâm khân păng rak rtăp. (Sêla)

Nau Mprơ Ơm 7:15

Păng kuyh trôm, kuyh ntu Ƀiălah mra prah tŭp tâm ntu hŏ kuyh jêh

Nau Hôr 4:16

Yorlah khân păng mâu nhêp măt tơlah ê hŏ ƀư nau mhĭk; Mâu đăp bê̆ch tơlah ê hŏ ƀư tŭp ma du huê bunuyh.

Êsai 10:1

Rêh ni ngăn ma phung nchih nau vay mâu sŏng, Phung nchih nau vay dăp mâu di,

Êsai 26:18

Hên hŏ ntreo jêh, tâm nau ji, Ƀiălah knŏng deh sial dơm. Hên mâu geh djôt nau tâm rklaih ma neh ntu ôh, Mâu lĕ hên deh phung ƀon lan ma neh ntu aơ.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 29:20

Yorlah nơm janh ƀai mâu hôm ôh, Nơm dăng mưch mra roh, Jêh ri lĕ rngôch phung kâp ƀư nau mhĭk bu mra ƀư rai lơi.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 33:11

Khân may ntreo ma rhe, mra deh ma njŏk, N'hâm khân may mra jêng ŭnh su khân may nơm.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsai 5:18

Rêh ni ngăn ma phung dŏng rse nau kue đŏt nau mhĭk, Nâm bu rse brăt mphâk ndeh đŏt leo nau tih.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 48:7

Yorlah may rnơm ma kan jêh ri jay ndơ khlay may nơm, Yor nây bu mra pit in may; Brah Chêmôs mra jêng bu nă Ndrel ma phung kôranh ƀư brah jêh ri phung kôranh păng.

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Yêrêmi 7:4

Lơi ta rnơm nsing ôh ma lĕ nau ngơi ndơm nâm bu: “Aơ jêng ngih brah Brah Yêhôva, ngih brah Brah Yêhôva, ngih brah Brah Yêhôva!”

Yêrêmi 7:8

Ƀiălah khân may rnơm nsing nkhơng lĕ nau ngơi mƀruh nchơt mâu geh nau khlay ôh.

Ndrom Samƀŭt bơh Ôsê 4:1

Hơi phung ƀon lan Israel, iăt hom nau Brah Yêhôva Yorlah Brah Yêhôva phat dôih phung ƀon lan gŭ tâm n'gor aơ: “Tâm n'gor aơ, mâu geh nau răp jăp, mâu geh nau ueh Ăt mâu geh nau gĭt Brah Ndu.

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Kôranh Oh Mon 24:9

Phung Yuđa geh tâm di du ai nuih n'hâm đah nau phong nây jêh ri lah nanê̆ di ngăn kơt nây.

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.