Êsai 59:3 - Nau Brah Ndu Ngơi 2023

³ Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 59:3 ပူးပေါင်းရင်းမြစ်များ

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 7:8

Ƀiălah khân may rnơm nsing nkhơng lĕ nau ngơi mƀruh nchơt mâu geh nau khlay ôh.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Yêrêmi 9:7

Yor nây, Brah Yêhôva ma phung tahan: “Aơ Gâp mra kret trih jêh ri rlong uănh khân păng Yorlah Gâp mra ƀư êng đah kon bu ur ƀon lan Gâp?

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Êsêkiêl 22:2

“Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 35:6

Yor nau nây, Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mro mrăng, Gâp mra jao may tâm mham, jêh ri mham mra tĭng may. Yorlah may mâu tâm rmot ôh nau ƀư pling mham, yor nây mham mra tĭng may!

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Ndrom Samƀŭt bơh Ôsê 7:3

Khân păng sŏk nau djơh mhĭk khân păng ƀư maak nuih n'hâm hađăch, Sŏk nau mƀruh ƀư di nuih n'hâm phung kôranh.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.