Êsai 59:2 - Nau Brah Ndu Ngơi 2023

² Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Êsai 59:2 ပူးပေါင်းရင်းမြစ်များ

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Yêrêmi 5:25

Nau djơh mhĭk phung khân may hŏ king lĕ nau aơ, Nau tih khân may ƀư khân may mâu dơi geh nau ueh uĭn.

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Yôsuê 7:11

Phung Israel ƀư tih jêh, khân păng ƀư tih đah nau tâm rnglăp Gâp hŏ ntăm jêh: Khân păng sŏk jêh lĕ ndơ prăp ma nau ƀư rai, ntŭng, ndơm mƀruh, rlau lơn ma nĕ pôn ndơ nây nsum tâm ndơ dŏng păng nơm.

I Samuel 4:3

Tơlah phung tahan plơ̆ sĭt ta rmlak tahan, phung bu ranh Israel lah: “Mâm ƀư Brah Yêhôva ăn phung Philistin dơi lơh đah he nar aơ? Ăn he hăn sŏk Hip Nau Tâm Rnglăp Brah Yêhôva tă bơh Silô văch ta aơ, dơm Hip Nau Tâm Rnglăp ta nklang he jêh ri mra tâm rklaih he bơh ti phung rlăng he!”