Êsai 59:19 - Nau Brah Ndu Ngơi 2023

¹⁹ Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 59:19 ပူးပေါင်းရင်းမြစ်များ

Nau Mprơ Ơm 113:3

Bơh ntŭk nar luh tât ta nar nhâp, Tâm rnê hom ma amoh Brah Yêhôva!

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 61:5

Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 45:6

Gay ma phung bunuyh dơi gĭt ntơm bơh ntŭk nar luh tât nar nhâp, Rlau ma Gâp, mâu geh Nơm êng ôh. Gâp jêng Brah Yêhôva, mâu geh Nơm êng ôh.

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Êsai 8:7

yor nây, Kôranh Brah mra ƀư ăn dak bơh Dak Krong Me hoch thăng ta khân păng, nâm bu ntĭt hađăch bri Asiri ndrel ma lĕ rngôch nau chrêk rmah păng. N'hong dak aơ mra hao ler bêng n'hong jêh ri lip lĕ rngôch kơh,

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.