Êsai 59:18 - Nau Brah Ndu Ngơi 2023

¹⁸ Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 59:18 ပူးပေါင်းရင်းမြစ်များ

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Êsai 1:24

Yor nây, Kôranh Brah jêng Brah Yêhôva ma phung tahan, Nơm Nau Brah Israel lah: “Ơ! Nuih n'hâm Gâp mra maak rmal ma phung tâm rdâng đah Gâp, Jêh ri plơng bôk phung rlăng đah Gâp.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 40:10

Aơ, Kôranh Brah Yêhôva mra văch ma nau brah, Păng mra chiă uănh ma ti Păng. Aơ, nau Păng nkhôm gŭ ndrel Păng, Nau Păng plơng gŭ tanăp Păng.

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Êsai 63:3

“Knŏng du huê Gâp jot ta ntŭk drŏng păt play krăk ƀâu, Mâu geh du huê tâm phung ƀon lan gŭ ndrel ma Gâp ôh. Gâp jot jêh khân păng tâm nôk Gâp ji nuih, Jot nchah jêh khân păng ma nau Gâp ji nuih; Mham khân păng tâm ban ma dak krăk ƀâu mprănh ta bok ao Gâp Lĕ rngôch kho ao Gâp krêp mham da dê.

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Êsai 65:6

Aơ jêng nau hŏ nchih prăp jêh tanăp Gâp: “Gâp mâu mra gŭ rklăk ôh, ƀiălah mra plơng bôk; Ngăn yơh, Gâp mra plơng bôk di nanê̆

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 66:6

Iăt hom, geh bâr drơu drơu bơh ƀon toyh, Geh nau nter bơh ngih brah, Păng jêng bâr Brah Yêhôva, Nơm plơng bôk ma phung rlăng đah Păng.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 23:49

Bu mra nkhŭt tay nau văng tĭr khân ay may ta khân ay may nơm; khân ay may mra anh nau tih rup brah khân ay jêh ri ay may mra gĭt Gâp jêng Kôranh Brah Yêhôva.’”

Êsêkiêl 38:18

Kôranh Brah Yêhôva lah: ‘Aơ jêng nau mra geh tât tâm nar nây: Tơlah Y-Gôk mra hăn lơh bri Israel pôri nau ji nuih Gâp mra n'hôl duh klơ trôm muh Gâp.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Êsêkiêl 6:12

Bu nơm gŭ ngai mra khĭt ma nau ji tưp nkhĭt. Bu nơm gŭ dăch mra chôt khĭt tâm dâng chông đao. Nơm hôm klen gŭ rêh jêh ri nơm bu nchueng jŭm mra khĭt ma nau sa sât ji ngot. Kơt nây, Gâp mra ăn tât lĕ nau Gâp ji nuih ta khân păng.

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

Samƀŭt Pôl Njuăl Ăn Ma Phung Nsing Ta Ƀon Rôm 2:6

yorlah păng mra mplơ̆ ma ăp nơm tĭng nâm kan khân păng ƀư.

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.

Nau Vay Nkah Tay 7:10

Ƀiălah đah lĕ bunuyh tâm rmot ma Păng, pôri Păng har plơng ma nau ƀư rai lơi khân păng. Păng mâu njong ôh ƀiălah har plơng lĕ phung bunuyh tâm rmot ma Păng.

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.