Êsai 59:14 - Nau Brah Ndu Ngơi 2023

¹⁴ Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Êsai 59:14 ပူးပေါင်းရင်းမြစ်များ

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:11

Phung bunuyh tâm ƀon păng, jêng phung bu ranh jêh ri phung bu yơk gŭ ta nây, ƀư tĭng nâm nau H'Jêsêbel ntăm jêh tâm samƀŭt hŏ njuăl ma khân păng.

Nau Mprơ Ơm 119:150

Phung geh nau mĭn ƀai văch dăch gay ƀư mhĭk gâp; Khân păng gŭ ngai đah nau vay May.

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 59:11

He rđêng nđor tâm ban ma kau ngrông, Jêh ri rđêng rngot tâm ban nteh sĭm plŭk rđêng; He kâp gân nau sŏng ƀiălah mâu tât ôh, Kâp gân nau tâm rklaih, ƀiălah păng gŭ ngai đah hên!

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Daniel 8:12

Yor nau ƀai bu jao phung tahan ăn ma păng ndrel ndơ ƀư brah gŭch nhhơr ƀaƀơ. Nke nây klŭp lơi nau ngăn ta neh. Păng dơi jêng tâm lĕ kan păng ƀư.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Amôt 6:12

Geh lĕ bu ăn seh nchuăt ta klơ? Geh đŏng bu leo ndrôk kai lŭ nây? Ƀiălah khân may hŏ rgâl nau sŏng rlơ̆ jêng nkhơng dak si kăch, Jêh ri rgâl play sŏng srăng jêng nau rngot ngăn ngên.

Habakuk 1:4

Yor nây, nau vay mâu hôm chrê ôh, Nau di mâu ŭch ƀư ôh. Phung janh ƀai nchueng bunuyh sŏng srăng, Yor ri nau di geh nau kue.