Êsai 59:12 - Nau Brah Ndu Ngơi 2023

¹² “Yorlah tanăp măt Kôranh Brah, nau hên ƀư tih dŭt âk, Nau tih hên mbơh nau tâm rdâng đah hên. Yorlah nau hên ƀư tih hôm gŭ tâm hên Jêh ri hên gĭt năl nau mhĭk hên.

Êsai 59:12 ပူးပေါင်းရင်းမြစ်များ

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nau Mprơ Ơm 51:3

Yorlah gâp năl lĕ nau gâp ƀư tih, Jêh ri nau tih gâp gŭ tanăp gâp ƀaƀơ.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Êsêkiêl 7:16

Đơ bunuyh hôm gŭ rêh klen mra nchuăt klaih jêh ri gŭ ta ka lơ yôk nâm bu plŭk gŭ tâm rlŭng, lĕ rngôch bunuyh nhĭm vơl da dê ma nau djơh mhĭk khân păng nơm.

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 5:5

Nau sưr phung Israel phong păng; Israel jêh ri Êphraim chôt prah tâm nau tih mhĭk khân păng; Yuđa mra chôt prah ndrel ma khân păng.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Habakuk 1:4

Yor nây, nau vay mâu hôm chrê ôh, Nau di mâu ŭch ƀư ôh. Phung janh ƀai nchueng bunuyh sŏng srăng, Yor ri nau di geh nau kue.

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.