Êsai 58:9 - Nau Brah Ndu Ngơi 2023

⁹ Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsai 58:9 ပူးပေါင်းရင်းမြစ်များ

Nau Ntơm 27:18

Y-Yakôb văch dăch ta mbơ̆ păng jêh ri lah: “Hơi mbơ̆!” Y-Isăk lah: “Gâp ta aơ, mbu moh may?”

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Nau Mprơ Ơm 118:5

Ta nklang nau rêh ni, gâp kuăl mbơh sơm ma Brah Yêhôva; Brah Yêhôva hŏ plơ̆ lah jêh ma gâp, jêh ri dơm gâp tâm ntŭk huy,

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 20:6

Abaơ gâp gĭt Brah Yêhôva tâm rklaih nơm Păng troch dak ngi; Tă bơh trôk ntŭk kloh ueh Păng mra plơ̆ lah nau hađăch mbơh sơm Ma nau brah tâm rklaih bơh ti ma Păng.

Nau Mprơ Ơm 37:4

Maak hom tâm Brah Yêhôva Pôri Păng mra ăn ma may nau nuih n'hâm may ŭch.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Hôr 6:13

Păng ntơ̆ măt, nkêh jâng, Jêh ri sŏk nglau ti gay vơch tâm nal;

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Êsai 57:4

Ma mbu nơm khân may mưch gơm? Ma mbu nơm khân may hă huy trôm mbung Jêh ri sŏt mpiăt tâm rdâng? Mâu di hĕ khân may jêng phung kon tâm rdâng, Jêng kon sau phung mƀruh?

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Nau Nhĭm Vơl 3:57

May hŏ văch jêh ma gâp dôl gâp mbơh sơm đah May, May hŏ lah jêh: ‘Lơi klach ôh!’

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Kan Lêvi 6:5

mâu lah moh ntil ndơ păng geh yor ton mƀruh. Ăn păng ntrok rĭng n'ho ma ntop du kô̆ tâm prăm rnoh khlay, jêh nây ndơ̆ ma nơm kôranh ndơ nây tâm nar păng nhhơr ndơ ƀư brah chuai nau ƀư tih.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”