Êsai 58:7 - Nau Brah Ndu Ngơi 2023

⁷ Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Êsai 58:7 ပူးပေါင်းရင်းမြစ်များ

Nau Ntơm 19:14

Pônây Y-Lot hăn luh padih mbơh ma phung klay dăch nđăp đah kon bu ur păng: “Du luh hom gơnh oi tă ntŭk aơ, yorlah Brah Yêhôva mra ƀư rai ƀon aơ.” Ƀiălah phung klay păng mĭn Y-Lot ngơi lôr.

Nau Ntơm 19:2

Păng lah: “Ơ kôranh gâp ơi, dăn veh lăp ta ngih oh mon khân may, bê̆ch măng jêh ri rao jâng, jêh nây ôi taơ dĭng khân may dâk ơm ôi hăn trong.” Ƀiălah bar hê tông mpăr lah: “Mâu ôh, măng aơ hên mra gŭ padih mpâr ƀon nây.”

II Nau Rêh Jêng 28:15

Lĕ rngôch phung bu kuăl jêh săk khân păng dâk ro, leo bu nă luh du, sŏk kho ao tâm ndơ pit in sâm nsoh an ma lĕ rngôch bunuyh gŭ săk hưl, nsoh ntâu jot, ăn sông sa, nhêt, mhĭng dak ngi ma khân păng, jêh ri ăn phung bu ranh mâu hôm dăng ncho seh, jêh ri njŭn khân păng sĭt tât ma ndŭl mpôl khân păng nơm ta ƀon Yêrikô, ƀon geh tơm đung. Jêh ri khân păng plơ̆ sĭt ma ƀon Samari.

Nêhêmi 5:5

Hên geh đŏng săk jăn nâm bu oh nâu hên jêh ri phung kon hên nâm bu phung kon khân păng, ƀiălah ăn hên nchâp phung kon bu klâu jêh ri phung bu ur hên ƀư dĭk. Phung bu ur hên geh nơm hŏ ƀư dĭk jêh, ƀiălah hên mâu geh nau dơi chuai tay khân păng ôh; yorlah tâm lŏ sre jêh ri đang krăk ƀâu hên hŏ jêng ndơ ma phung êng jêh.”

Ndrom Samƀŭt bơh Yôp 22:7

Nơm huăr rgănh may mâu ăn dak nhêt, Phung huăr ji ngot may mâu ăn ndơ sa.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Hôr 11:17

Bunuyh blau yô̆ ƀư ueh ma huêng păng nơm, Bi phung janh ƀai ƀư rai săk jăn.

Nau Hôr 22:9

Bunuyh geh nau blau yô̆ mra geh nau ueh uĭn, Yorlah păng tâm pă ndơ sông sa păng nơm ăn ma phung o ach.

Nau Hôr 24:11

Tâm rklaih hom phung bu njŭn tât nau khĭt; Jêh ri rklaih phung nhuat hăn ndĭt ndiu tât ntŭk bu nkhĭt.

Nau Hôr 25:21

Tơlah phung rlăng may ji ngot, ăn păng sa hom; Tơlah păng ji hir, ăn nhêt hom;

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Êsai 58:10

Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Êsêkiêl 18:16

mâu tŭn jot bu, mâu sŏk ndơ nchăm phung geh rnon, mâu lĕ ntŭng ndơ bu, ƀiălah ăn piăng let ma phung ji ngot jêh ri sâm nsoh bok ao ma nơm rhôk;

Êsêkiêl 18:7

mâu tŭn jot bu ôh ƀiălah mplơ̆ sĭt ndơ nchăm ăn ma nơm geh rnon; mâu ntŭng ôh ndơ bu ƀiălah ăn piăng let ma nơm ji ngot jêh ri sâm nsoh bok ao ăn ma nơm rhôk;

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Luka 19:8

Ƀiălah Y-Sachê gŭ nsrâng tanăp Kôranh Brah jêh ri ơh: “Hơi Kôranh Brah, aơ, gâp sŏk du n'gul drăp ndơ gâp gay ăn ma phung o ach; tơlah gâp ƀư mhĭk ma mbu moh nau, gâp mra ntrok âk lơn puăn tơ̆.”

Luka 3:11

Păng plơ̆ lah: “Mbu nơm geh bar ao, pă hom ma nơm mâu hŏ geh; mbu nơm geh ndơ sông sa ƀư tâm ban lĕ.”

Kôranh Oh Mon 16:15

Tơlah păng dơn nau ƀaptem jêh ndrel ma phung tâm ngih păng, H'Lidi jă hên: “Tơlah khân may mĭn ma gâp răp jăp đah Kôranh Brah, dăn lăp gŭ hom tâm ngih gâp.” Jêh ri păng nchâp hên lăp.

Kôranh Oh Mon 16:34

Kôranh ndrung jă bar hê khân păng lăp tâm ngih păng jêh ri nkra nau sông sa ma khân păng. Păng ndrel ma rnăk vâl răm maak ngăn, yorlah hŏ chroh jêh ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

Nau Vay Nkah Tay 22:1

“Lah saơ ndrôk mâu lah biăp oh nâu khân may hăn nhhơt, pôri khân may lơi ta ƀư nau mâu meng, ƀiălah ăn khân may têk leo sĭt ma oh nâu khân may.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

ផីលេមោន 1:7

Ơ nâu, nau may rŏng hŏ njŭn leo tay nau bonh leng jru ngăn ma gâp, yorlah tă bơh may nuih n'hâm phung kloh ueh geh nau ndrêh mhe.

Phung Kôranh Phat Dôih 9:2

“Dăn khân may ôp nau mĭn lĕ rngôch phung bunuyh Sichem: ‘Mâu lah lĕ rngôch pơh jât nuyh kon bu klâu Y-Jêrubaal chiă uănh khân may mâu lah knŏng du huê kôranh chiă uănh ma khân may, moh nau jêng ueh lơn?’ Ăn khân may kah gĭt đŏng ma gâp jêng noi deh du mham ndrel ma khân may.”