Êsai 58:6 - Nau Brah Ndu Ngơi 2023

⁶ Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Êsai 58:6 ပူးပေါင်းရင်းမြစ်များ

II Nau Rêh Jêng 10:11

Tơlah mbơ̆ gâp hŏ n'gân jêh du mâng mbăk jâk jêr ta klơ khân may, gâp mra ƀư ma mâng mbăk jâk lơn đŏng; mbơ̆ gâp tâm rmal jêh khân may ma rse ntâu, bi gâp, gâp mra tâm rmal khân may ma mâng rvĕ ndŭr vơng.’”

II Nau Rêh Jêng 28:11

Pôri aƀaơ, iăt hom nau gâp, jêh ri mplơ̆ sĭt lĕ bu nă jêng mpôl băl ma khân may nơm, phung khân may hŏ geh nhŭp jêh tâm phung oh nâu khân may nơm, yorlah nau Brah Yêhôva ji nuih mra tât ma khân may.”

Nau Hôr 24:11

Tâm rklaih hom phung bu njŭn tât nau khĭt; Jêh ri rklaih phung nhuat hăn ndĭt ndiu tât ntŭk bu nkhĭt.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 50:33

Brah Yêhôva ma phung tahan lah: “Phung kon sau Israel jêh ri phung kon sau Yuđa bu tŭn jot da dê; đơ phung nhŭp leo khân păng nkân khân păng ăn rjăp da dê, mâu ŭch mƀơk khân păng ôh.

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Kan Lêvi 6:5

mâu lah moh ntil ndơ păng geh yor ton mƀruh. Ăn păng ntrok rĭng n'ho ma ntop du kô̆ tâm prăm rnoh khlay, jêh nây ndơ̆ ma nơm kôranh ndơ nây tâm nar păng nhhơr ndơ ƀư brah chuai nau ƀư tih.

Yônais 3:8

ƀiălah bunuyh jêh ri ma mpô mpa nsoh bok ƀau da dê. Lĕ rngôch bunuyh mbơh sơm hom lĕ nuih n'hâm ma Brah Ndu. Ăp nơm chalơi hom trong mhĭk jêh ri nau kan janh ktang bơh ti păng.

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Kôranh Oh Mon 8:23

Yorlah gâp saơ may dôl gŭ tâm play măt tăng jêh ri tâm rse rvăk tih mhĭk.”

I Timôthê 6:1

Lĕ rngôch bunuyh gŭ tâm dâng mâng mbăk jêng dĭk ăn yơk ma phung kôranh khân păng tâm lĕ rngôch nau, gay ma bu mâu ngơi djơh ma amoh Brah Ndu jêh ri nau he ntĭm nti.