Êsai 58:3 - Nau Brah Ndu Ngơi 2023

³ Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Êsai 58:3 ပူးပေါင်းရင်းမြစ်များ

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Nêhêmi 5:7

Gâp mĭn tâm nuih n'hâm ma nau nây jêh ri gay ŭch nduyh phung ndrŏng nđâp ma phung kôranh pô aơ: “Khân may hŏ ăn ma phung oh mâu khân may nơm manh sa kao jâk.” Gâp nkra nau tâm rƀŭn toyh tâm rdâng đah khân păng.

Ndrom Samƀŭt bơh Yôp 34:9

Yorlah Y-Yôp hŏ lah: ‘Kon bunuyh mâu geh nau khlay ôh, Lah răm maak tâm Brah Ndu.’

Nau Mprơ Ơm 69:10

Tơlah gâp nhĭm nhhiăng jêh ri ver sa gay ma nchâp huêng Pôri khân păng bêk prêng ma gâp.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 16:31

Nây mra jêng nar saƀat gay ma khân may rlu jêh ri ntrŭnh khân may nơm tâm nau đăp mpăn. Nây jêng nau vay dăp n'ho ro.

Kan Lêvi 23:27

“Lơ jât khay pơh jêng nar rƀŭn chuai nau tih, mra geh gưl tâm rƀŭn kloh ueh ăn ma khân may; ăn khân may ât sông sa jêh ri nhhơr lĕ ndơ nhhơr ăn ŭnh sa ma Brah Yêhôva.

Malachi 3:14

Khân may hŏ lah: “Mâu khlay ôh pah kan ma Brah Ndu! Moh ndơ khlay ma hên, lah hên tông nau Păng ntăm, mâu lah chuat hăn ma nau rngot klâng tanăp măt Brah Yêhôva ma phung tahan?

Nau Kơp Bunuyh 23:4

Brah Ndu tâm mpơl ma Y-Balaam. Y-Balaam lah ma păng: “Gâp ndâk jêh pơh mlâm nơng ƀư brah jêh ri klơ ăp nơng ƀư brah, gâp hŏ nhhơr jêh du mlâm ndrôk nkuăng jêh ri du mlâm biăp nkuăng.”

Luka 15:29

Ƀiălah păng ơh ma mbơ̆: ‘Aơ, jŏ năm jêh gâp pah kan ma mbơ̆, mâu mâp rlau nau mbơ̆ ntrŭnh ôh, ƀiălah mbơ̆ mâu mâp ăn du mlâm kon be ma gâp gay ƀư nau maak đah phung mĭt jiăng gâp.