Êsai 58:2 - Nau Brah Ndu Ngơi 2023

² Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsai 58:2 ပူးပေါင်းရင်းမြစ်များ

Nau Mprơ Ơm 119:15

Gâp mra gŭ mĭn ma nau vay May ntăm, Mĭn rvê ma trong May.

Nau Mprơ Ơm 119:151

Ơ Brah Yêhôva, May gŭ dăch gâp ƀaƀơ, Jêh ri lĕ rngôch nau vay May ntăm jêng nau nanê̆ ngăn.

Nau Mprơ Ơm 119:87

Knŏng hôm djê̆ lê̆ khân păng ƀư rai gâp ta neh ntu. Ƀiălah gâp mâu chalơi nau May ntăm ôh.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 42:20

May saơ jêh âk nau, ƀiălah mâu mâp klâng rvê ôh; Tôr may pơk jêh, ƀiălah may mâu tăng ôh.”

Êsai 57:12

Aơ, Gâp nơm yơh mra mpơl nau ƀư tĭng nau rêh sŏng srăng may, Ƀiălah lĕ nau kan nĕ mâu geh khlay ma may.

Êsai 57:3

Ƀiălah khân may jêng kon sau phung n'hŭm, Noi deh nơm văng tĭr jêh ri bu ur ka n'hong, Văch dăch hom!

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’

Yêrêmi 7:10

Mâm khân may hăn lăp ngih aơ, jêng ntŭk bu ntơ ma amoh Gâp, dâk tanăp Gâp jêh ri lah: “Hên hŏ dơi rklaih jêh!” Khân may ƀư pônây gay ƀư tih tay đŏng lĕ ntil nau tâm rmot nây.

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Êsêkiêl 20:3

“Hơi kon bunuyh, ngơi hom ma phung bu ranh Israel jêh ri lah ma khân păng Pô aơ: ‘Brah Yêhôva lah: Di lĕ khân may văch ŭch ôp ma Gâp hĕ?’ Brah Yêhôva lah: ‘Tĭng nâm Gâp gŭ rêh mro mrăng, Gâp mâu mra ăn khân may ôp ma Gâp ôh.’

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Markôs 12:14

Khân păng văch lah ma Păng: “Hơi Nơm Nti, hên gĭt May jêng bunuyh sŏng ngăn, mâu chrê ma bu ôh, yorlah May mâu uănh ma bunuyh padih ôh, ƀiălah ntĭm nti trong Brah Ndu ma nau di. Pôri, dơi lĕ chê̆ pi ăn ma Sêsar di nau vay mâu lah mâu? Ăn hên chê̆ mâu lah mâu?”

Markôs 6:20

yorlah Hêrôt klach ma Y-Yôhan, gĭt jêh păng jêng bunuyh sŏng srăng jêh ri bunuyh kloh ueh, rĭ dĭng king n'gang ma păng. Hađăch ŭch iăt Y-Yôhan ngơi, nđâp tơlah ăp tơ̆ jêh iăt nuih n'hâm hađăch vay rŭng răng.

Yôhan 5:35

Y-Yôhan jêng ŭnh kađen mpoh hit ang, bi khân may ŭch geh nau maak ƀât lât tâm nau ang păng.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;