Êsai 58:12 - Nau Brah Ndu Ngơi 2023

¹² Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsai 58:12 ပူးပေါင်းရင်းမြစ်များ

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:5

jêh nây gâp lah ma hađăch: “Tơlah hađăch maak nuih n'hâm jêh ri tơlah nơm oh mon hađăch dơi geh nau yô̆ tanăp măt hađăch, prơh hom gâp hăn ma n'gor Yuđa, tât ta ƀon geh môch phung chô yau gâp, gay ma gâp dơi ndâk ƀon nây đŏng.”

Nêhêmi 6:1

Tơlah Y-Sanbalat, Y-Tôbia, Y-Gesem jêng bunuyh Arabi, jêh ri phung rlăng êng đŏng, khân păng tăng nau gâp hŏ rdâk nkra jêh mpêr ƀon jêh ri mâu hôm geh ntŭk bluh ôh (nđâp lah nôk nây gâp ê-hŏ ntrŭp seng mpông ta n'gâng pêr)

Ndrom Samƀŭt bơh Yôp 3:14

Nđâp phung hađăch jêh ri kôranh tâm nchră ta neh ntu Hŏ ndâk njêng jay ndah ma khân păng nơm,

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 36:33

Kôranh Brah Yêhôva lah: ‘Tâm nar Gâp mra ƀư kloh lĕ rngôch nau tih khân may, Gâp mra ƀư tay ăn lĕ ƀon toyh geh ƀon lan gŭ jêh ri lĕ ntŭk rlâm rai mra rdâk tay.

Êsêkiêl 36:4

Yor nây, hơi phung yôk Israel, iăt hom nau Kôranh Brah Yêhôva: ‘Kôranh Brah Yêhôva lah ma phung yôk jêh ri gôl yôk, bong dak n'hor jêh ri ntŭk rlŭng, ntŭk rlâm rai jêh ri lĕ ƀon rngol hŏ jao ăn phung ƀon lan hôm klen ma lĕ bri dak jŭm khân may pit in jêh ri suai rak.’

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Mika 7:11

Nar ndâk tay mpêr ƀon mra tât, Jêng nar pơk huy n'har bri.