Êsai 58:11 - Nau Brah Ndu Ngơi 2023

¹¹ Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Êsai 58:11 ပူးပေါင်းရင်းမြစ်များ

Ndrom Samƀŭt bơh Yôp 5:20

Tâm nau sa sât ji ngot, Păng mra rklaih may bơh nau khǐt, Jêh ri dôl tâm lơh rklaih bơh mpiăt đao.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 107:9

Yorlah Păng ƀư ăn mpay huêng ji hir, Jêh ri nuih n'hâm ji ngot ji hir dơi mpay hơm ma lĕ nau ueh.

Nau Mprơ Ơm 25:9

May njŭn leo phung dêh rhêt tâm nau sŏng, Ntĭm nti trong May ma phung dêh rhêt.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 33:19

Gay ma tâm rklaih huêng khân păng bơh nau khĭt Jêh ri prăp nau rêh khân păng tâm nau ji ngot.

Nau Mprơ Ơm 37:19

Tâm rnôk rêh ni khân păng mâu mra bêk prêng ôh; Tâm nar sât ji ngot khân păng ăt dơi hơm mpay.

Nau Mprơ Ơm 48:14

Pô aơ: “Aơ Brah Ndu, Jêng Brah Ndu he kŏ tât n'ho ro dŭt ngăn; Păng mra njŭn leo he kŏ tât lôch du njăr rêh.”

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Mprơ Ơm 84:7

Khân păng hăn tât, nau ktang lơ hâu hao, Kŏ tât khân păng mpơl măt tanăp Brah Ndu ta Siôn.

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nau Hôr 11:25

Bunuyh geh nuih n'hâm lŏng mra dơi geh nau ndrŏng, Mbu nơm ăn bu nhêt dak, păng nơm mra dơi geh dak nhêt.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 28:25

Phung kơnh ndrăp ndơ ƀư nau tâm djrel, Ƀiălah bunuyh rnơm nsing ma Brah Yêhôva mra dơi geh nau geh jêng.

Nau Hôr 3:8

Pônây klŏ may mra dơi bah Jêh ri nting may dơi dăng.

Nau Mprơ Ueh 4:15

Ay jêng tu dak tâm đang, Jêng tu dak rêh hoch, Jêng n'hor dak luh bơh Liban!

Êsai 27:3

“Gâp yơh, Brah Yêhôva jêng Nơm mât mray păng, Djrah dak ma păng ƀaƀơ. Gâp mât mray păng, nar jêh ri măng, Klach bu ƀư mhĭk ma păng.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 44:4

Khân păng mra hon ta nklang gơ̆, Tâm ban ma tơm si yôr dăch n'hor dak hoch.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Yêrêmi 17:8

Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Ndrom Samƀŭt bơh Ôsê 13:5

Gâp yơh hŏ gĭt may nôk may hôm gŭ tâm bri rdah, Tâm n'gor bri kro đang.

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 7:38

Mbu nơm chroh ma Gâp, ri mơ lĕ n'hor dak krong nau rêh mra hoch ler tă bơh tâm nuih n'hâm păng, di nâm Nau Brah Ndu Ngơi hŏ lah.”

Nau Vay Nkah Tay 15:4

Ta nklang khân may mâu mra geh ôh bunuyh o ach yorlah Brah Yêhôva nanê̆ ngăn mra ăn nau ueh uĭn ma khân may dôl rêh tâm n'gor Yêhôva Brah Ndu ăn ma khân may jêng drăp ndơn,

I Têsalônik 3:11

Dăn Brah Ndu nơm, Mbơ̆ he, jêh ri Brah Yêsu, Kôranh Brah he, njŭn trong ma hên văch ta khân may!