Êsai 58:10 - Nau Brah Ndu Ngơi 2023

¹⁰ Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Êsai 58:10 ပူးပေါင်းရင်းမြစ်များ

Ndrom Samƀŭt bơh Yôp 11:17

Nau rêh may mra ang lơn nar nklang bôk; Nau ngo plăch jêng ƀhit rvi ang.

Ndrom Samƀŭt bơh Yôp 31:31

Tơlah phung bunuyh tâm ngih gâp mâu mâp lah ôh: ‘Mbu nơm gŭ ta aơ dĭng lah mâu geh sa puăch ăn hơm mpay?’

Nau Mprơ Ơm 112:4

Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 41:1

Ueh maak yơh ma phung mêt uănh ma phung o ach! Tâm nar rêh ni, Brah Yêhôva mra rklaih bunuyh nây.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Êsai 29:18

Tâm nar nây, phung tê̆k mra tăng Nau ngơi tâm ndrom samƀŭt, Măt phung chieh mra saơ bơh nau ngo klĕng vêt vê Jêh ri dơi saơ.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Êsêkiêl 18:16

mâu tŭn jot bu, mâu sŏk ndơ nchăm phung geh rnon, mâu lĕ ntŭng ndơ bu, ƀiălah ăn piăng let ma phung ji ngot jêh ri sâm nsoh bok ao ma nơm rhôk;

Sakari 14:7

Êng ngăn tâm du nar nây knŏng Brah Yêhôva dơm mra gĭt; mâu di lĕ nôk nar, mâu lĕ di bri măng, yorlah bri măng ngo mra geh nau ang.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Nau Vay Nkah Tay 15:4

Ta nklang khân may mâu mra geh ôh bunuyh o ach yorlah Brah Yêhôva nanê̆ ngăn mra ăn nau ueh uĭn ma khân may dôl rêh tâm n'gor Yêhôva Brah Ndu ăn ma khân may jêng drăp ndơn,