Êsai 57:16 - Nau Brah Ndu Ngơi 2023

¹⁶ Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Êsai 57:16 ပူးပေါင်းရင်းမြစ်များ

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

Ndrom Samƀŭt bơh Yôp 12:10

Păng kuăn tâm ti nau rêh lĕ rngôch mpô mpa rêh Jêh ri n'hâm nsôr lĕ rngôch kon bunuyh.

Nau Mprơ Ơm 85:5

May mra ji nuih ma hên mro mrăng lĕ? Nau May ji nuih mra jŏ jong tât ma lĕ rngôch rnôk hĕ?

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 10:24

Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Yêrêmi 3:5

Di lĕ May ji nuih mro mrăng, Jêh ri nau ji nuih n'ho ro?’ Aơ, nđâp lah hŏ ngơi tâm ban pônây, May ăt ƀư nau mhĭk may nơm ŭch.”

Yêrêmi 38:16

Hađăch Sêdêkia ton săk ma nau ndâp ma Y-Yêrêmi pô aơ: “Tĭng nâm Brah Yêhôva gŭ rêh mro mrăng, jêng Nơm hŏ rhăk njêng jêh huêng he, gâp mâu mra nkhĭt may ôh, jêh ri mâu jao may ma ti phung joi ngroh lơi nau rêh may ôh.”

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

ហេឞ្រើ 12:9

Rlau lơn ma nĕ, mbơ̆ tâm nglay săk nduyh nkra, he hôm klach yơk, rlau lơn ma Mbơ̆ tâm huêng, mâu di hĕ he mra tông âk tơ̆ lơn gay geh nau rêh?