Êsai 57:14 - Nau Brah Ndu Ngơi 2023

¹⁴ Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsai 57:14 ပူးပေါင်းရင်းမြစ်များ

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 40:3

Geh bâr nter tâm bri rdah: “Pơk hom du trong ma Brah Yêhôva; Ƀư hom ăn sŏng du trong toyh tâm ndrêch rdah ma Brah Ndu he!

Êsai 49:11

Gâp mra ăn lĕ rngôch yôk Gâp plơ̆ jêng trong hăn, Jêh ri lĕ trong toyh Gâp bu mra dơi ƀư n'hao.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Samƀŭt Pôl Njuăl Ăn Ma Phung Nsing Ta Ƀon Rôm 14:13

Pôri he lơi phat dôih ndrăng he nơm đŏng ôh, ƀiălah ueh lơn mâu dơm lŭ ƀư chêh jâng mâu lah lơi ƀư king ma phung oh nâu he nơm.

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Kôrintô 8:13

Yor nây, tơlah ndơ sông sa ƀư ma nau chêh prah ma oh nâu, gâp mâu mra sa puăch ôh, gay ma mâu ƀư ma nau chêh prah ma oh nâu gâp.

I Kôrintô 8:9

Ƀiălah njrăng hom, klach lah nau dơi kon me khân may ƀư ma phung rdja chêh prah.

II Kôrintô 6:3

Hên mâu ƀư chêh prah ôh ma bu, gay bu mâu dơi nduyh ôh ma nau hên pah kan.

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.