Êsai 57:11 - Nau Brah Ndu Ngơi 2023

¹¹ Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Êsai 57:11 ပူးပေါင်းရင်းမြစ်များ

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 42:14

Jŏ jêh Gâp gŭ rklăk, Gâp hŏ gŭ rklăk, Gâp hŏ kuăn rdâng Gâp nơm. Ƀiălah aƀaơ aơ, Gâp nter, ngơi nthôk nthơk, nsôr n'hâm mâu luh n'hâm, Tâm ban ma du huê bu ur deh kon,

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 38:19

Hađăch Sêdêkia lah ma Y-Yêrêmi: “Gâp klach lah gâp hŏ luh jao săk gâp nơm ma phung tahan Kaldê, phung Yuđa mra jao gâp ma ti khân păng jêh ri khân păng ƀư mhĭk ma gâp.”

Yêrêmi 41:18

der ngai ma phung Kaldê. Khân păng klach phung Kaldê yorlah Y-Ismaêl, kon bu klâu Y-Nêthania, hŏ nkhĭt jêh Y-Gêdalia, kon bu klâu Y-Ahikam, nơm hađăch Babilôn hŏ ndâk jêh ƀư kôranh toyh chiă uănh bri dak.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Mathay 25:25

pôri gâp klach jêh ri pôn talâng may tâm neh. Aơ, gâp nsĭt ma may lĕ ndơ may nơm.’

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

II Têsalônik 2:9

Bơh nau pah kan Satan, nơm djơh mhĭk mra tâm văch ma lĕ rngôch nau brah tâm ban đŏng lĕ nau khlay, nau mbên khlay mƀruh ndơm;

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.