Êsai 56:7 - Nau Brah Ndu Ngơi 2023

⁷ Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 56:7 ပူးပေါင်းရင်းမြစ်များ

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Ngluh Êjipt 28:38

Pŏk jê̆ nây mra gŭ ta ndăr kleng Y-Arôn jêh ri Y-Arôn mra tuy moh nau tih tât ma ndơ nhhơr kloh ueh bơh phung ƀon lan Israel hŏ nhhơr. Pŏk jê̆ nây mra gŭ ƀaƀơ ta ndăr kleng Y-Arôn, gay ma Brah Yêhôva dơn khân păng.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Êsai 60:11

Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Yêrêmi 7:11

Pônây, khân may uănh ma ngih aơ, ntŭk dơi ntơ ma amoh Gâp, jêng trôm phung ntŭng lĕ? Aơ, Gâp nơm yơh, Gâp hŏ uănh saơ lĕ rngôch.’ Brah Yêhôva lah pô aơ.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 47:22

Ăn khân may mra nchroh gay tâm pă drăp ndơn ăn ma khân may nơm jêh ri phung bu năch gŭ ta nklang khân may jêh ri deh kon sau ta nklang khân may. Khân may uănh khân păng nâm bu phung ƀon lan deh jêh ri văch ma toyh tâm bri Israel; khân may ăt dơi tâm pă drăp ndơn ta nklang phung mpôl băl Israel.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 21:13

Păng lah ma khân păng: “Geh nau nchih jêh: ‘Ngih Gâp mra kuăl jêng ngih mbơh sơm’, Ƀiălah khân may plăch ntŭk nây jêng trôm nau tâm ntŭng.”

Markôs 11:17

Jêh nây Păng ntĭm nti ma khân păng: “Mâu di ƀơh, geh nau nchih jêh pô aơ: ‘Ngih Gâp bu mra kuăl jêng ngih mbơh sơm ma lĕ rngôch mpôl băl bunuyh’? Ƀiălah khân may njêng ntŭk nây jêng trôm nau ntŭng.”

Luka 19:46

jêh ri lah ma khân păng: “Geh nau nchih jêh pô aơ: ‘Ngih Gâp mra jêng ngih mbơh sơm,’ ƀiălah khân may plăch ntŭk nây jêng trôm nau tâm ntŭng.”

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.