Êsai 56:6 - Nau Brah Ndu Ngơi 2023

⁶ Phung bu năch plơ̆ sĭt ma Brah Yêhôva Gay pah kan ma Păng, rŏng ma amoh Brah Yêhôva, Jêh ri jêng phung oh mon Păng, Jêng lĕ rngôch phung djôt prăp nar Saƀat mâu ƀư ƀơ̆ nar nây ôh, Jêh ri djôt prăp nâp nau Gâp tâm rnglăp,

Êsai 56:6 ပူးပေါင်းရင်းမြစ်များ

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Êsai 58:13

Tơlah may plơ̆ sĭt, prăp jâng may lơi ƀư ƀơ̆ nar saƀat, Mâu ƀư tĭng nau mĭn may ŭch tâm nar kloh ueh Gâp; Tơlah may uănh nar saƀat jêng nar nau maak, Nar kloh ueh Brah Yêhôva khư bu yơk; Tơlah may yơk nar nây, Mâu ƀư ôh tĭng nâm trong may nơm, Jêh ri mâu lĕ ngơi nau dơm dam;

Êsai 60:10

Phung bu năch mra rdâk tay mpêr ƀon may, Phung hađăch khân păng mra pah kan ma may. Yorlah tâm nau Gâp ji nuih, Gâp hŏ dong may, Ƀiălah aơ Gâp lŏ yô̆ ma may, tĭng nau yô̆ Gâp.

Êsai 61:5

Phung bu năch mra sâm chiăp biăp be khân may, Phung bu năch mra ƀư lŏ jêh ri tăm đang krăk ƀâu ma khân may.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 47:22

Ăn khân may mra nchroh gay tâm pă drăp ndơn ăn ma khân may nơm jêh ri phung bu năch gŭ ta nklang khân may jêh ri deh kon sau ta nklang khân may. Khân may uănh khân păng nâm bu phung ƀon lan deh jêh ri văch ma toyh tâm bri Israel; khân may ăt dơi tâm pă drăp ndơn ta nklang phung mpôl băl Israel.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

II Kôrintô 8:5

Khân păng hŏ ƀư rlau nau hên kâp gân; yorlah lor lơn khân păng hŏ nhhơr khân păng nơm ma Kôranh Brah jêh ri ma hên, tĭng nâm nau mĭn Brah Ndu ŭch.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng