Êsai 56:5 - Nau Brah Ndu Ngơi 2023

⁵ Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 56:5 ပူးပေါင်းရင်းမြစ်များ

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 48:19

Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Yôhan 1:12

Ƀiălah mbu nơm rom dơn Păng, nâm bu ntĭt chroh ma amoh Păng, Păng ăn bunuyh nây nau dơi plơ̆ jêng kon Brah Ndu,

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

I Yôhan 3:1

Uănh hom Brah Ndu Mbơ̆ ăn nau rŏng toyh ngăn ma he, kŏ tât Brah Ndu rnha he jêng kon Păng, jêh ri he jêng kon Păng ngăn! Yor nĕ neh ntu mâu gĭt năl he, yorlah neh ntu mâu gĭt năl Brah Ndu ôh.

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.

I Samuel 1:8

Y-Êlkana, sai păng, ôp: “Hơi H'Anna, moh nau ay nhĭm? Kŏ tât ay mâu ŭch sông sa jêh ri nuih n'hâm ay rngot ir pônây? Mâm gâp mâu dơi ăn ma ay rlau lơn jât nuyh kon bu klâu?”