Êsai 56:2 - Nau Brah Ndu Ngơi 2023

² Ueh maak ngăn ma bunuyh ƀư nau nây, Jêh ri ueh maak ngăn ma kon bunuyh djôt prăp păng nâp, Jêng lah nơm prăp nar saƀat, mâu ƀư ƀơ̆ păng ôh; Jêh ri nkân ti păng mâu ƀư du ntil nau mhĭk ôh!”

Êsai 56:2 ပူးပေါင်းရင်းမြစ်များ

Nêhêmi 13:17

Rnôk nây gâp nduyh ma phung ndrŏng tâm phung Yuđa pô aơ: “Mâm ƀư khân may ƀư nau mhĭk aơ gay ƀư ƀơ̆ nar saƀat?

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 119:101

Gâp nkân jâng gâp bơh lĕ trong mhĭk, Gay ma gâp djôt prăp tĭng nau May ngơi.

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 34:14

Du hom đah nau mhĭk jêh ri ƀư nau ueh. Tĭng joi hom nau đăp mpăn jêh ri hăn tĭng păng.

Nau Mprơ Ơm 37:27

Der hom nau mhĭk jêh ri ƀư nau ueh Pôri may mra rêh n'ho ro.

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Nau Ngluh Êjipt 20:8

Kah gĭt hom nar rlu gay ƀư nar kloh ueh.

Nau Hôr 14:16

Bunuyh blau mĭn klach nau mhĭk jêh ri der ngai, Ƀiălah bunuyh rluk ƀư sưr jêh ri mâu ôh blau njrăng.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 4:13

Kuăn hom ăn nâp nau ntĭm nti, lơi ta mƀơk ôh, Ăn djôt prăp, yorlah păng jêng nau rêh may.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Êsai 56:4

Yorlah pô aơ Brah Yêhôva lah tâm ban pônây: “Ma phung kôranh bu char djôt prăp nar Saƀat Gâp, Săch nau ƀư maak ma Gâp, Djôt prăp nâp nau Gâp tâm rnglăp,

Êsai 56:6

Phung bu năch plơ̆ sĭt ma Brah Yêhôva Gay pah kan ma Păng, rŏng ma amoh Brah Yêhôva, Jêh ri jêng phung oh mon Păng, Jêng lĕ rngôch phung djôt prăp nar Saƀat mâu ƀư ƀơ̆ nar nây ôh, Jêh ri djôt prăp nâp nau Gâp tâm rnglăp,

Êsai 58:13

Tơlah may plơ̆ sĭt, prăp jâng may lơi ƀư ƀơ̆ nar saƀat, Mâu ƀư tĭng nau mĭn may ŭch tâm nar kloh ueh Gâp; Tơlah may uănh nar saƀat jêng nar nau maak, Nar kloh ueh Brah Yêhôva khư bu yơk; Tơlah may yơk nar nây, Mâu ƀư ôh tĭng nâm trong may nơm, Jêh ri mâu lĕ ngơi nau dơm dam;

Êsêkiêl 20:12

Gâp ăn đŏng ma khân păng nar saƀat Gâp tâm ban du nau mbên ta nklang Gâp jêh ri khân păng, gay khân păng gĭt pô aơ Gâp jêng Brah Yêhôva prăp jêh khân păng jêng kloh ueh.

Êsêkiêl 20:20

Prăp hom lĕ nar Saƀat Gâp jêng kloh ueh; păng mra ƀư du nau mbên ta nklang Gâp đah khân may gay ăn khân păng dơi gĭt Gâp jêng Yêhôva Brah Ndu khân may.’

Kan Lêvi 19:30

Ăn khân may djôt prăp lĕ nar saƀat Gâp jêh ri yơk mbah ma ngih brah kloh ueh Gâp. Gâp jêng Brah Yêhôva.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 12:43

Ueh maak yơh ma oh mon nây, tơlah kôranh tât jêh ri saơ păng ƀư pônây!

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.