Êsai 56:12 - Nau Brah Ndu Ngơi 2023

¹² Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Êsai 56:12 ပူးပေါင်းရင်းမြစ်များ

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Nau Mprơ Ơm 10:6

Păng lah tâm nuih n'hâm: “Gâp mâu mra mpât n'gơ; Gâp mâu mra mâp nau mhĭk tât.”

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 23:35

May mra ngơi pô aơ: “Bu dong gâp ƀiălah gâp mâu ji ôh! Bu mbang gâp ƀiălah gâp mâu dơi gĭt! Lah gâp kah rngăl, Gâp mra plơ̆ joi nhêt tay đŏng.”

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nơm Nti 2:24

Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

I Kôrintô 15:32

Ngơi tĭng nau kon bunuyh, moh nau khlay ma gâp geh tơlah gâp tâm lơh đah phung mpa bri janh ta ƀon Êphêsô? Tơlah phung khĭt mâu hôm dâk rêh tay, pôri he “Sông sa hom, nhêt hom, Yorlah nar ôi taơ he mra khĭt!”

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;