Êsai 55:6 - Nau Brah Ndu Ngơi 2023

⁶ Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Êsai 55:6 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

Êsra 10:2

Y-Sêkania, kon bu klâu Y-Jêhiêl, sau Y-Êlam, lah ma Y-Êsra: “Hên hŏ ƀư tih đah Brah Ndu hên jêh ri tâm nsông đah phung bu ur bu năch jêng phung ntil mpôl bunuyh gŭ tâm n'gor. Nđâp lah pônây, ăt hôm e nau kâp gân ma phung Israel.

Ndrom Samƀŭt bơh Yôp 8:5

Tơlah may tĭng joi Brah Ndu, Vơh vơl ma Nơm Geh Lĕ Nau Brah,

Nau Mprơ Ơm 14:2

Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 148:14

Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.

Nau Mprơ Ơm 27:8

Tơlah Kôranh Brah lah: “Khân may joi hom muh măt Gâp” Pôri nuih n'hâm gâp lah ma Kôranh Brah pô aơ: “Ơ Brah Yêhôva! Gâp mra joi muh măt May.”

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 34:19

Bunuyh sŏng srăng geh âk nau mhĭk tât; Ƀiălah Brah Yêhôva tâm rklaih păng ƀaƀơ.

Nau Mprơ Ơm 75:1

Ơ Brah Ndu, hên tâm rnê lah ueh ma May; Hên tâm rnê lah ueh yor amoh May gŭ dăch. Bu nkoch tay lĕ nau kan khlay May.

Nau Mprơ Ơm 95:7

Yorlah Păng jêng Brah Ndu he: He jêng phung ƀon lan tâm ndrêch gơ̆ nse Păng Jêh ri jêng phung biăp ti Păng têk ndrêng. Nar aơ tơlah khân ay may iăt bâr Păng,

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 8:6

Păng lah đŏng ma gâp, “Hơi kon bunuyh, may saơ lĕ nau khân păng dôl ƀư, nây jêng lĕ nau ƀơ̆ ngăn ma ngih Israel hŏ ƀư tih ta aơ ƀư ăn ma Gâp ngai bơh ntŭk kloh ueh Gâp bơh? Ƀiălah may mra hôm saơ lĕ nau mhĭk toyh lơn đŏng!”

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Amôt 5:6

Joi hom Brah Yêhôva ri mơ khân may mra rêh; Tơlah mâu, Păng mra jêng nâm bu ŭnh hit su ngih Yôsep, Jêh ri Bêthel, mâu geh ôh nơm buh nhhât.

Yônais 3:8

ƀiălah bunuyh jêh ri ma mpô mpa nsoh bok ƀau da dê. Lĕ rngôch bunuyh mbơh sơm hom lĕ nuih n'hâm ma Brah Ndu. Ăp nơm chalơi hom trong mhĭk jêh ri nau kan janh ktang bơh ti păng.

Mathay 5:25

Dôl may hăn trong ndrel ma nơm phong ma may, gơnh ro ƀư hom đăp mpăn đah bunuyh nây; lah mâu, bunuyh nây mra jao may ma kôranh phat dôih, kôranh phat dôih jao may ma kôranh ndrung, jêh ri bu mra krŭng may.

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Yôhan 8:21

Brah Yêsu lah đŏng ma khân păng: “Gâp hăn, khân may mra joi Gâp, jêh ri khân may mra khĭt tâm nau tih khân may nơm. Ta ntŭk Gâp hăn, khân may mâu dơi hăn ôh.”

Êphêsô 3:13

Yor nây, gâp dăn khân may lơi rdja nuih n'hâm yor lĕ nau rêh ni gâp dơn an ma khân may; nây jêng nau chrêk rmah ma khân may.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 4:7

Yorlah mbu phung ƀon lan toyh geh du brah gŭ dăch khân păng tâm ban ma Yêhôva Brah Ndu gŭ dăch he ăp tơ̆ he kuăl mbơh sơm ma păng?

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.