Êsai 55:5 - Nau Brah Ndu Ngơi 2023

⁵ “Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 55:5 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

II Samuel 22:44

May tâm rklaih jêh gâp tă bơh nau tâm rlăch đah phung ƀon lan; May prăp gâp gay ăn jêng bôk ma lĕ bri dak; Du ntĭl mpôl gâp mâu gĭt năl mra pah kan ma gâp.

Nau Mprơ Ơm 18:43

Kôranh Brah tâm rklaih jêh gâp bơh nau phung ƀon lan tâm rdâng; Ndâk gâp ƀư bôk lĕ bri dak; Du phung ƀon lan mâu gĭt năl mra pah kan ma gâp.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Êsai 60:5

Rnôk nây, may mra saơ jêh ri chrat ang, Nuih n'hâm may ƀă klach ƀă pơk huy; Yorlah nau rmeh ler bơh dak mƀŭt bu mra njŭn ma may, Drăp ndơ phung ndrŏng bơh lĕ bri dak mra văch ma may.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Luka 24:26

Mâu di hĕ Brah Krist dơn lĕ nau nđêh nji tâm ban pônây jêh nây Păng hăn lăp tâm nau chrêk rmah Păng?”

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Kôranh Oh Mon 3:13

Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

Samƀŭt Pôl Njuăl Ăn Ma Phung Nsing Ta Ƀon Rôm 15:20

Ƀiălah nau gâp ŭch jêng mbơh nkoch Nau Mhe Mhan Ueh ma lĕ ntŭk bu ê hŏ mbơh nkoch ôh amoh Brah Krist, gay ma mâu ndâk ôh ta mbon bunuyh êng,

Êphêsô 2:11

Pôri kah gĭt hom kăl e ri khân may jêng phung bu năch tĭng nâm nglay săk, jêh ri phung koh ntâu ma ti bunuyh tâm nglay săk kuăl khân may jêng phung mâu koh ntâu.

Êphêsô 3:5

jêng nau ê hŏ mâp tâm mpơl ma phung kon bunuyh tâm lĕ rngôch rô̆ ta lor, ƀiălah aƀaơ Brah Huêng Ueh dơi tâm mpơl ma phung kôranh oh mon kloh ueh jêh ri ma phung nơm mbơh lor Păng.

ហេឞ្រើ 5:5

Pônây lĕ, Brah Krist mâu n'hao êng Păng nơm ôh jêng kôranh ƀư brah toyh, ƀiălah bơh Nơm lah ma Păng pô aơ: “May jêng Kon Gâp, Nar aơ Gâp hŏ deh jêh May.”

I Pêtrôs 1:11

Khân păng sek uănh gay gĭt năl moh rnôk jêh ri mâm nau Brah Huêng Ueh Brah Krist tâm khân păng lĕ ntĭm jêh, dôl Păng mbơh lor ma nau rêh ni Brah Krist jêh ri nau chrêk rmah tĭng groi pakơi.