Êsai 55:3 - Nau Brah Ndu Ngơi 2023

³ Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 55:3 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

II Samuel 7:29

Pônây, dăn Kôranh Brah ăn nau ueh uĭn ma oh mon May tâm nau chiă uănh, gay păng dơi gŭ tanăp May mra geh tât ƀaƀơ n'ho ro. Hơi Kôranh Brah Yêhôva, yorlah May nơm hŏ ngơi jêh jêh ri yor nau May yô̆ dĭng nau chiă uănh oh mon May mra geh nau ueh uĭn mro mrăng.”

II Nau Rêh Jêng 6:42

Ơ Yêhôva Brah Ndu! Lơi chalơi ôh nơm May tŏ dak ƀâu kah. Kah gĭt hom ma nau May ueh ma Y-Đavit jêng oh mon May.”

Nau Mprơ Ơm 119:112

Gâp gơih ƀư tĭng nau vay May dăp, Mro mrăng jêh ri kŏ tât lôch dŭt.

Nau Mprơ Ơm 119:175

Ăn huêng gâp gŭ rêh gay tâm rnê ma May; Ăn lĕ nau vay May ƀư kơl an gâp.

Nau Mprơ Ơm 78:1

Hơi phung ƀon lan gâp, gŭ iăt hom nau gâp ntĭm nti; Rkêng hom tôr iăt nau tă bơh trôm mbung gâp.

Nau Mprơ Ơm 89:28

Gâp mra prăp nau ueh Gâp ma păng n'ho ro, Jêh ri ƀư nau Gâp tâm rnglăp đah păng dơi nâp.

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Hôr 4:20

Hơi kon gâp, gơih mĭn hom bơh nau gâp nti, Rkêng tôr iăt moh nau gâp lah.

Nau Hôr 7:2

Tông hom nau vay ntăm bơh gâp pôri may mra dơi rêh, Jêh ri prăp hom nau gâp ntĭm nti nâm bu găr măt may.

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Êsêkiêl 16:60

Nđâp tơlah pônây, ăt Gâp mra kah gĭt tay nau tâm rnglăp Gâp nơm ƀư jêh đah ay tâm rnôk ay hôm druh mom, jêh ri Gâp mra ƀư nau tâm rnglăp đah ay du nau tâm rnglăp n'ho ro.

Êsêkiêl 34:24

Gâp, Brah Yêhôva, mra ƀư Brah Ndu khân păng, bi Y-Đavit, oh mon Gâp, mra ƀư hađăch ta nklang khân păng. Gâp Brah Yêhôva hŏ lah jêh pônây.

Êsêkiêl 34:25

Rnôk nây, Gâp mra njêng du nau tâm rnglăp đăp mpăn đah phung biăp Gâp. Gâp mra mprơh lơi đơ mpô mpa bri janh tâm n'gor gay ăn phung ƀon lan Gâp dơi gŭ mpăn tâm bri rdah jêh ri gŭ bê̆ch tâm krŏng.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Kan Lêvi 18:5

Pôri ăn khân may djôt prăp nau vay jêh ri lĕ nau vay Gâp ƀư jêh; mbu nơm ƀư tĭng nau nây mra geh nau rêh tă bơh nĕ. Gâp jêng Brah Yêhôva.

Amôt 5:4

Aơ jêng nau Brah Yêhôva lah ma ngih Israel: “Joi hom Gâp ri mơ khân may mra rêh!

Amôt 5:6

Joi hom Brah Yêhôva ri mơ khân may mra rêh; Tơlah mâu, Păng mra jêng nâm bu ŭnh hit su ngih Yôsep, Jêh ri Bêthel, mâu geh ôh nơm buh nhhât.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 13:16

Ƀiălah ueh maak yơh ma măt khân may yorlah dơi saơ; ueh maak yơh ma tôr khân may yorlah dơi tăng!

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Yôhan 8:47

Mbu nơm luh văch tă bơh Brah Ndu, păng iăt nau Brah Ndu. Khân may mâu iăt ôh, yorlah khân may mâu jêng phung Brah Ndu.”

Kôranh Oh Mon 13:34

Brah Ndu hŏ ƀư ăn Brah Yêsu dâk rêh tay tă bơh nau khĭt, mâu hôm sĭt ma nau ôm rai ôh, nâm nau Păng hŏ ntăm jêh: ‘Gâp mra ăn ma khân may nau ueh lăng kloh ueh jêh ri nanê̆ ngăn, Păng hŏ ton jêh ma Y-Đavit.’

Samƀŭt Pôl Njuăl Ăn Ma Phung Nsing Ta Ƀon Rôm 10:5

Y-Môis nchih jêh nau sŏng srăng tât tă bơh nau vay pô aơ mbu nơm ƀư tĭng lĕ nau nây mra geh nau rêh tă bơh nĕ.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,