Êsai 55:2 - Nau Brah Ndu Ngơi 2023

² Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Êsai 55:2 ပူးပေါင်းရင်းမြစ်များ

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 34:11

Hơi phung kon, iăt hom nau gâp; Gâp mra nti khân may nau klach yơk ma Brah Yêhôva.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 63:5

Huêng gâp dơi hơm tâm ban ma sa glo tâm nting jêh ri ngi; Bâr mbung gâp mra răm maak jêh ri mprơ tâm rnê ma May.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Hôr 1:33

Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Nau Hôr 7:23

Kŏ tât du chiông hăr sŏr ta klơm nơm nây, Nâm bu sĭm gơnh tŭp tâm nhuăl, Ƀiălah păng mâu năn gĭt ôh nau nây jêng dăk nhŭp kât nau rêh păng nơm!

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Nau Hôr 9:5

“Văch hom sa piăng let gâp Jêh ri nhêt ndrănh gâp hŏ tâm pot jêh.

Nơm Nti 6:2

Geh du huê Brah Ndu dơi ăn nau ndrŏng kuăng, drăp ndơ jêh ri nau lư amoh, kŏ tât păng mâu pưt lĕ ndơ nuih n'hâm păng ŭch. Ƀiălah Brah Ndu mâu ăn păng dơn đŏng lĕ ntil nây, ƀiălah ăn du huê bu êng dơi dơn. Nây jêng dơm dam, du nau tât rêh ni.

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 10:27

Tâm nar nây, mbăk jâk khân păng mra sŏk lơi tă bơh săng nglik may bu mra sŏk lơi, mâng mbăk khân păng bu mra sŏk lơi tă trô ko; mâng mbăk mra đoh jêh yorlah may jêng lay jêh.”

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 46:6

Bu sŏk mah tă bơh dŭng, Jêh ri veh prăk ma njing; Khân păng nkhôm nơm chiăr prăk tŏ du brah, Jêh ri păn yơk mbah.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsai 62:9

Ƀiălah phung kăch roih mra dơi sa kao play păng, Jêh ri tâm rnê ma Brah Yêhôva; Phung pĕ jêh play krăk ƀâu mra dơi nhêt dak păng, Tâm nkual ngih jrô kloh ueh Gâp.”

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Yêrêmi 17:24

Brah Yêhôva lah: ‘Tơlah khân may gơih iăt Gâp, mâu tung mbăk lăp lĕ mpông ƀon nây tâm nar saƀat, ƀiălah gĭt prăp êng nar saƀat jêng kloh ueh jêh ri mâu ƀư moh nau kan tâm nar nây,

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 31:14

Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Ndrom Samƀŭt bơh Ôsê 12:1

Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

Mathay 15:9

Nau khân păng yơk mbah ma Gâp jêng mâu khlay, Khân păng nti knŏng jêng nau vay bunuyh.’ ”

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Markôs 7:14

Jêh ta nây, Brah Yêsu kuăl đŏng phung ƀon lan văch jêh ri lah: “Lĕ rngôch iăt hom Gâp jêh ri gĭt vât pô aơ:

Luka 15:23

Sŏk hom kon ndrôk lay ƀư puăch. Sông sa răm maak hom he!

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Samƀŭt Pôl Njuăl Ăn Ma Phung Nsing Ta Ƀon Rôm 10:17

Pôri, nau chroh luh bơh lĕ nau bu iăt, jêh ri bu tăng jêng nôk bu mbơh nkoch ma nau Brah Krist ngơi.

Samƀŭt Pôl Njuăl Ăn Ma Phung Nsing Ta Ƀon Rôm 9:31

bi phung Israel hŏ srôih nsing tĭng nau vay gay ma joi nau sŏng srăng, khân păng mâu ƀư nŭm nau vay.

Nau Vay Nkah Tay 11:13

Pônây tơlah khân may tông ngăn lĕ nau vay ntăm bơh gâp ntĭnh ma khân may nar aơ, rŏng ma Yêhôva Brah Ndu khân may jêh ri pah kan ma Păng ma lĕ nuih n'hâm, ma lĕ huêng khân may,

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.