Êsai 55:1 - Nau Brah Ndu Ngơi 2023

¹ “Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 55:1 ပူးပေါင်းရင်းမြစ်များ

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Hôr 8:4

“Hơi kon bunuyh, gâp kuăl khân may, Jêh ri bâr gâp kuăl rle mpeh ma phung kon bunuyh!

Nau Hôr 9:1

Nau blau mĭn ndâk jêh ngih păng nơm, Trah jêh ăn păng nơm pơh mlâm meh,

Nau Hôr 9:5

“Văch hom sa piăng let gâp Jêh ri nhêt ndrănh gâp hŏ tâm pot jêh.

Nau Mprơ Ueh 1:2

Ndă lah păng chŭm gâp đah nau chŭm bơh trôm mbung păng! Yorlah nau păng rŏng ueh lơn ma ndrănh.

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 52:3

Yorlah Brah Yêhôva lah pô aơ: “Bu tăch jêh khân may mâu geh ăn prăk, jêh ri bu mra tâm chuai khân may mâu hôm ŭch prăk.”

Nau Nhĭm Vơl 5:4

Phung hên mplơ̆ hom prăk gay geh dak nhêt, Rvăt hom gay geh long sĭnh.

Êsêkiêl 47:1

Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Êsêkiêl 47:9

Ăp ntŭk dak krong nây hoch tât pôri lĕ rngôch mpa rêh, nây jêng mpa rêh mpât rêh tâm dak, mra dơi rêh da dê jêh ri ta nây mra geh âk ntil ka. Ta ntŭk dak nây hoch tât pôri dak mƀŭt jêng rsang, jêh ri ta ntŭk dak krong nây hoch tât pôri lĕ rngôch mpa mra rêh ta nây.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Mathay 10:8

Ăn khân may ƀư bah bunuyh ji kuet, ƀư ăn ma bunuyh khĭt dâk rêh tay, ƀư kloh bah ma phung bunuyh geh phŭng sa, jêh ri mprơh brah mhĭk. Khân may hŏ dơn jêh dơm dam, ăn hom ma bu dơm dam đŏng.

Mathay 13:44

“Ƀon bri hađăch klơ trôk tâm rđĭl nâm bu jay ndơ khlay tâp ndâp lơi tâm du lôk mir lŏ. Du huê bunuyh joi saơ jêh ri pôn ro, păng răm maak sĭt tăch lĕ rngôch ndơ păng geh, gay rvăt mir lŏ nây.”

Mathay 26:29

Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe ndrel khân may tâm ƀon bri hađăch Mbơ̆ Gâp.”

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Kôranh Oh Mon 8:20

Ƀiălah Y-Pêtrôs plơ̆ lah pô aơ: “Prăk may rai yot ndrel ma may, yorlah may mĭn bu dơi rvăt ma prăk nau Brah Ndu ăn!

Samƀŭt Pôl Njuăl Ăn Ma Phung Nsing Ta Ƀon Rôm 3:24

yor nau yô̆ Brah Ndu, yor nau tâm chuai tâm Brah Yêsu Krist, khân păng dơi kơp sŏng srăng ƀiălah mâu hôm mplơ̆ moh rnoh lĕ.

I Kôrintô 3:2

Gâp siăm jêh khân may ma dak toh, mâu di ma ndơ sa dăng ôh, yorlah khân may ê hŏ dơi dơn ndơ nây ôh. Nđâp aƀaơ aơ khân may ê hŏ dơi dơn lĕ,

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.

Bu ur Rut 4:1

Y-Bôas hăn tât ma mpông ƀon jêh ri gŭ ta nây. Aƀaơ, nơm geh nau dơi chuai drăp ndơn, nơm Y-Bôas hŏ lah jêh mhe hăn rgăn ta nây. Y-Bôas lah: “Hơi mĭt jiăng, veh gŭ hom ta aơ.”