Êsai 54:9 - Nau Brah Ndu Ngơi 2023

⁹ “Gâp kơp nau aơ jêng tâm ban ma rnôk dak rdŭl bŭk rô̆ Y-Nôê, Tâm ban ma Gâp hŏ sơm ton jêh dak rdŭl bŭk rô̆ Y-Nôê, Mâu mra hôm bêng ler neh ntu ôh, Gâp hŏ sơm ton jêh Gâp mâu mra ji nuih đah ay Jêh ri mâu đŏng nduyh ay ôh.

Êsai 54:9 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Ndrom Samƀŭt bơh Yôp 11:16

May mra chuêl lĕ ntil nau rêh ni, Knŏng kah gĭt tay nâm bu n'hor dak hoch jêh.

Nau Mprơ Ơm 104:9

May nal jêh n'har ma dak gay ma dak mâu rlau ôh, Mâu hôm plơ̆ nkŭm tay klơ neh ntu đŏng ôh.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 51:8

Yorlah nchiăr mra sa khân păng tâm ban ma sa bok ao, Rhai mra sa khân păng tâm ban ma sa rsau biăp. Ƀiălah nau sŏng Gâp mra gŭ mro mrăng, Nau Gâp tâm rklaih mra hôm e ntơm bơh rnôk aơ tât rnôk ri.”

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Yêrêmi 31:37

Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Êsêkiêl 16:42

Nôk nây, nau ji nuih Gâp mra dŭt, nau Gâp ntôn mra du bơh ay jêh ri nau ji nuih Gâp lĕ djoh, mâu hôm ji nuih đŏng ôh.

Êsêkiêl 39:20

Ta sưng sông Gâp, khân may mra sa hơm puăch seh jêh ri puăch phung ncho seh, puăch phung janh ktang jêh ri ăp ntil phung tahan tâm lơh,’ Kôranh Brah Yêhôva lah pônây.”

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”