Êsai 54:8 - Nau Brah Ndu Ngơi 2023

⁸ Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 54:8 ပူးပေါင်းရင်းမြစ်များ

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 103:4

Tâm chuai nau rêh may bơh ntŭk rai yot, Sŏk nau ueh jêh ri yô̆ nđach ƀư đon hađăch gay ndô ma may.

Nau Mprơ Ơm 13:1

Hơi Brah Yêhôva! Ndah jŏ dĭng ƀaƀơ nau May chuêl? May pôn măt ma gâp ndah jŏ?

Nau Mprơ Ơm 27:9

Ơ Brah Ndu jêng Nơm tâm rklaih gâp, Lơi ta pôn măt Kôranh Brah ma gâp, Lơi ta mprơh oh mon Kôranh Brah tâm rnôk Kôranh Brah ji nuih. Êlor Kôranh Brah jêng nau sâm kơl gâp. Lơi ta chalơi gâp, lơi ta mƀăr gâp.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Êsai 40:27

Pôri ơ Yakôb, mâm ƀư khân may lah; Ơ Israel, mâm ƀư khân may lŭng nter “Trong gâp hŏ dơi pôn ndâp jêh đah Brah Yêhôva, Brah Ndu gâp mâu hôm mĭn rvê ôh nau gâp geh”?

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 60:10

Phung bu năch mra rdâk tay mpêr ƀon may, Phung hađăch khân păng mra pah kan ma may. Yorlah tâm nau Gâp ji nuih, Gâp hŏ dong may, Ƀiălah aơ Gâp lŏ yô̆ ma may, tĭng nau yô̆ Gâp.

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.