Êsai 54:4 - Nau Brah Ndu Ngơi 2023

⁴ “Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Êsai 54:4 ပူးပေါင်းရင်းမြစ်များ

Ndrom Samƀŭt bơh Yôp 11:16

May mra chuêl lĕ ntil nau rêh ni, Knŏng kah gĭt tay nâm bu n'hor dak hoch jêh.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 29:22

Yor nây, Brah Yêhôva jêng Nơm tâm chuai jêh Y-Abraham hŏ lah jêh ma ngih Yakôb pô aơ: “Aƀaơ aơ, Yakôb mâu mra hôm bêk ôh, Jêh ri muh măt khân păng mra mâu hôm pal.

Êsai 4:1

Tâm nar nây, pơh nuyh bu ur mra kuăn rdâng du huê bu klâu jêh ri lah: “Hên mra sa ndơ sông sa hên nơm jêh ri soh bok ao hên nơm, Knŏng ăn bu rnha hên ma amoh may; Dăn may sŏk lơi nau bêk hên.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 50:7

Kôranh Brah jêng Brah Yêhôva mra kơl Gâp, Yor ri Gâp mâu geh nau bêk ôh; Yor nây, Gâp ƀư muh măt Gâp kranh tâm ban ma lŭ, Yorlah Gâp gĭt, Gâp mâu geh du ntil ndơ bêk ôh.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 61:7

Ntrok nau bêk prêng, khân may mra dơn bar tơ̆, Ntrok nau bêk brêng, khân may mra răm maak ma kô̆ tâm pă ma khân may; Khân may mra geh bar tăp âk lơn drăp ndơn tâm bri khân may, Jêh ri geh nau răm maak n'ho ro.

Êsai 65:16

Yor nây, mbu ta klơ neh ntu mbơh sơm nau ueh lăng ma păng nơm Mra sŏk amoh Brah Ndu nanê̆ ngăn ma nau mbơh sơm; Jêh ri mbu ta klơ neh tâm ton Mra sŏk amoh Brah Ndu nanê̆ ngăn ma nau tâm ton. Yorlah nau rêh ni kăl e chuêl jêh, Jêh ri mâu hôm mpơl tanăp măt Gâp.”

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Êsêkiêl 16:22

Tâm lĕ nau ƀơ̆ jêh ri nau văng tĭr nây, ay mâu kah gĭt ôh ma rnôk ay hôm jê̆, dôl ay gŭ rhôk, pung tâm mham ay nơm.’

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Êsêkiêl 36:15

Gâp mâu mra hôm ăn khân may tăng nau lĕ bri dak ƀư prêng đŏng ôh; may mâu mra hôm dơn ôh nau phung ƀon lan ntêh rmot jêh ri mâu mra ƀư chêh prah đŏng ôh ma phung ƀon lan, Kôranh Brah Yêhôva lah pônây.”

Yôel 2:21

Hơi bri neh, lơi klach ôh! Maak răm rhơn hom, Yorlah Brah Yêhôva ƀư jêh lĕ kan toyh.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”